Merr flakë gjatë ecjes, shkrumbohet makina në Vlorë

Një automjet ka marrë flakë në ecje teksa udhëtonte në autostradën Vlorë-Levan, pranë mbikalimit të Panajasë.

Ngjarja në fjalë ka ndodhur rreth orës 20:10, ndërsa drejtuesi i mjetit, i cili ka qenë duke udhëtuar i vetëm, kur ka parë zjarrin ka ndaluar anës rrugës dhe ka lajmëruar policinë dhe zjarrfikësit

Automjeti me targë ‘TR 5930 R’ është djegur tërësisht, por për fat të mirë drejtuesi i tij nuk ka pësuar lëndime pasi ka dalë në kohë.

Sipas policisë, si pasojë e flakëve nuk ka të lënduar, ndërkohë që dyshohet se mjeti ka marrë flakë për shkak të një shkëndije elektrike.