Pas ndarjes nga Angelina, Brad nuk ka krijuar asnjë lidhje. Po shijon jetën prej beqari

Prej pothuajse tre vitesh më parë, Angelina Jolie dhe Brad Pitt i dhanë fund martesës së tyre dhe nisën procedurat e divorcit. Çifti i preferuar i shumë fansave në gjithë botën, tashmë nuk ishin bashkë dhe shpesh herë u aludua nëpër media për lidhjet e reja që mund të kishin krijuar dy aktorët me partnerë të tjerë.

E megjithatë burime për “Hollywood Life” kanë treguar se Brad nuk ka dalë me shumë vajza gjatë kësaj kohe, sepse e ka të vështirë të dashurojë sërish:

 “Ai nuk ka pasur ndonjë takim romantik dhe do shumë kohë që të dashurojë prapë. Brad ka shumë mikesha në industrinë e filmit. Ai shijon lidhjet platonike me disa njerëz, si për shembull me Lena Dunham, që është vetëm një shoqe asgjë më shumë.”

Tashmë Brad është i fokusuar vetëm tek fëmijët dhe karriera e tij. Por edhe Angelina nga ana e saj, që pas ndarjes nuk ka pasur një marrëdhënie të konsoliduar më dikë.