'Snapchat' mbyll përgjithmonë profilin e Trump

Presidenti i Shteteve të Bashkuara, Donald Trump është bllokuar përgjithmonë nga Snapchat, sipas një deklarate nga vetë rrjeti social.

“Në interes të sigurisë publike dhe bazuar në përpjekjet e Trump për të përhapur dezinformata, gjuhë urrejtjeje dhe nxitur dhunë, të cilat janë shkelje të qarta të udhëzimeve tona, ne kemi marrë vendimin për të bllokuar llogarinë e tij në mënyrë të përhershëm," - thuhet në njoftim.

Snapchat bëhet kështu rrjeti social i radhës që mbyll Trump-in. Një javë më parë, Facebook tha se do të bllokonte llogarinë e Trump për pjesën e mbetur të mandatit të tij në detyrë dhe ndoshta për një kohë të pacaktuar.

Nga ana tjetër, Tëitter që është dhe i preferuari i Donald Trump, vendosi të pezullojë përgjithmonë llogarinë e tij, për nxitjen e asaj që u kthye në një kryengritje të dhunshme në Kapitol. YouTube, deklaroi se po pezullon kanalin e Trump për të paktën një javë dhe potencialisht më gjatë.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm