Zelensky pas fitores së Kalush: Vitin e ardhshëm Ukraina do të presë Eurovizionin

 

Ukraina është fituesja e “Eurovizion 2022”, siç edhe parashikohej në shumë sondazhe të ndryshme apo dhe në komentet në të gjitha platformat ku diskutohej për këtë festival.  

Me 631 pikë në total, orkestra Kalush u shpall fituese e “Eurovizion 2022”. Ukraina mori  192 pikë nga votat e jurisë dhe ishin votat e publikut prej 439 pikësh, që i shpallën fitues absolut.  

Pas fitores, menjëherë ka reaguar dhe presidenti i Ukrainës Volodymyr Zelensky përmes një postimi në Instagram ku shkruan që do bëjnë çmos që një ditë të presin të ftuarit dhe pjesëmarrësit në Mariupol.  

Zelenskyy thotë se vitin tjetër Ukraina do të presë Eurovizionin, megjithatë kjo ngelet ende e paqartë pasi kostoja për të organizuar një festival të këtyre përmasave është e madhe dhe nuk dihet ende nëse Ukraina - e cila do shumë kohë të rimëkëmbët prej luftës - do e ketë të mundur të organizojë Eurovizion 20223. 

“Guximi ynë i bën përshtypje botës, muzika jonë pushton Evropën! 

Vitin e ardhshëm Ukraina do të presë Eurovizionin! 

Për herë të tretë në historinë e saj. Dhe unë besoj - jo e fundit. 

Do të bëjmë çmos që një ditë të presim pjesëmarrësit dhe të ftuarit e Eurovizionit në Mariupol ukrainas. 

E lirë, paqësore, e rindërtuar! 

Faleminderit që fituat @Kalush.official dhe të gjithëve që votuan për ne! 

Jam i sigurt se korda jonë fitimtare në betejën me armikun nuk është larg."