Flash News

Fuste dr*gë dhe sende të paligjshme në qeli, arrestohet polici i burgut të Drenovës

Lavrov: NATO po rrezikon vetëshkatërrimin me buxhetin e ri ushtarak

​Kurti e Vuçiç "përballen" nesër në Shkup

Bie nga skelat, humb jetën punëtori i ndërtimit në Berat

Prokuroria dërgon për gjykim dy zyrtarët e Bashkisë Korçë

KRYESORE

Posta e mëngjesit/ Me 2 rreshta: Çfarë pati rëndësi dje në botë

Politiko 9 Korrik 2020, 07:55
Posta e mëngjesit/ Me 2 rreshta: Çfarë pati rëndësi

Mirëmëngjes!

Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

■ Hong Kongu ka hyrë në atë që një zyrtar shëndetësor e quajti "një valë e tretë" e infeksioneve koronavirus, pasi autoritetet raportuan 38 raste të reja të martën dhe të mërkurën.

■ Një burrë nga Zelanda e Re që rezultoi pozitiv për virusin do të përballet me akuza penale pasi iku nga një hotel-karantinë, njoftoi transmetuesi publik RNZ.

■ Mijëra serbë demonstruan për një natë të dytë të mërkurën, pjesërisht kundër trajtimit të krizës nga Presidenti Aleksandar Vuçiç. Ata u ndeshën me një përgjigje të dhunshme të policisë, që disa analistë thanë se i çon mbrapa në vitet 1990.

■ Parqet e lojrave në Japoni e kanë ndaluan të bërtiturën në karusele nga frika se mund të përhapet virusi.

■ Të paktën 58 njerëz vdiqën ndërsa shirat e rrëmbyeshëm nxitën evakuime të gjera në Japoni. Dhjetëra mijëra trupa, oficerë policie dhe punëtorë të tjerë të shpëtimit po punojnë përmes baltës dhe mbeturinave në qytetet e goditura më së shumti përgjatë lumit Kuma.

■ Trupat e të paktën 180 burrave që mendohet të jenë vrarë nga forcat e sigurisë janë gjetur të hedhura në fusha, me anë të rrugëve dhe nën ura në një qytet në Burkina Faso gjatë tetë muajve të fundit, u thanë dëshmitarët studiuesve të të drejtave të njeriut.

■ Qeveria britanike ka njoftuar masa tatimore dhe shpenzimesh në një vlerë prej 38 miliard dollarë, të destinuara për të ruajtur dhe krijuar vende pune, nga frika e një orteku të pushimeve nga puna në vjeshtë.

Të fundit