Ndërkohë që në Luksemburg ka nisur mbledhja e Ministrave të Jashtëm të Bashkimit Evropian, kreu i Grupit Parlamentar të Partisë Socialiste, Taulant Balla, me anë të një postimi në twiter ka falënderuar Gjermaninë për qëndrimin e tyre pro hapjes së negociatave me Shqipërinë dhe Maqedoninë e Veriut.
Sipas Ballës, të dy vendet e meritojnë këtë pasi kanë treguar një përkushtim të fortë për reforma të forta.
Duke marrë si referencë reformën në drejtësi, Balla shprehet se ajo është një model për vendet e tjera të Ballkanit Perëndimor.
“Mirënjohës për Gjermaninë për një qëndrim kaq të qartë në favor të fillimit të bisedimeve të pranimit të Shqipërisë dhe Maqedonisë së Veriut. Të dy vendet e meritojnë këtë hap përpara pasi kanë treguar përkushtim të fortë për reforma të forta. Reforma në Drejtësi në Shqipëri është një model për vendet e tjera të Ballkanit Perëndimor”, shkruan Balla.
Financuar Nga Bashkimi Europian
