Prokuroria dhe Rama në një linjë, organi akuzës thërret për të dëshmuar tre demokratët

Prokuroria i ka dërguar një letër deputetëve Ervin Salianji dhe Enkelejd Alibeajt dhe ekspertit të drejtësisë pranë PD-së, Gazment Bardhit, ku i kërkon që të dëshmojnë pranë organit të akuzës.

Sipas letrës, Salianji, Alibeaj dhe Bardhi duhet të paraqiten në Prokurori ditën e nesërme në orën 10:30 për të dhënë sqarime sa i takon audio përgjimit të publikuar pak ditë më parë nga selia blu.

Duket se kjo lëvizje e prokurorisë u ndikua nga deklarata e bërë paraditen e sotme nga kryeministri Rama ku paralajmëroi se video nuk është autentike dhe se ata që e publikuan rrezikojnë burgun.