Rakitic kërkohet nga 3 ekipe italiane, tani merr një vendim final

Ivan Rakitic nuk do të largohet nga Barcelona. Edhe pse ka patur shumë spekulime që e largojnë nga katalanasit, mesfushori dëshiron të vijojë në “Camp Nou”, sidomos tani që trajneri Ernesto Valverde po e përdor si titullar.

Rakitic foli për mediat dje pas fitores 5-2 të ndaj Mallorca dhe theksoi dëshirën e tij për të qëndruar. “Kam patur jo pak presion. Ndonjëherë ndodhin gjëra që njeriu nuk mund t’i kuptojë, por duhet t’i pranojë. Dua të jap gjithçka për Barcelonën. E kam thënë shpesh se nuk ka vend më të mirë se Barça për mua”, ka deklaruar kroati.

Skuadrat e interesuara për Rakiticin janë Manchester United, Inter, Milan dhe Juventus. Nuk përjashtohet mundësia që ai t’i ketë rregulluar marrëdhëniet me trajnerin Valverde, përndryshe nuk do të fliste me kaq siguri.