Servet Pëllumbi komenton mesazhin e Fatos Nanos në 26-vjetorin e PS: Impuls i ri, ishte në momentin e duhur

Ish-kreu i Kuvendit Servet Pëllumbi, ka komentuar mesazhin e ish-kryeministrit socialist Fatos Nano në 26-vjetorin e themelimit të PS.

Pëllumbi tha në një prononcim për mediat se mesazhi i Nanos ishte në momentin e duhur teksa shtoi se kur historia vihet në realitet ka një impuls të ri.

 “Kur historia vihet para realitetit, ka impuls të ri. Mesazhi i Fatos Nanos, ishte në momentin e duhur dhe në interes të anëtarit të PS dhe elektoratit. Ka faktorë që e bëjnë të pashmangshme përplasjen dhe përçarjen, por ndonjëherë përçarja ndikon pozitivisht. Si në këtë rast të tanishëm”­ tha Pëllumbi .