Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Shaban Memia rikthehet me këshilla për Lulzim Bashën dhe me kritika për zëdhënësen Ina Zhupa

Politiko 6 Korrik 2017, 09:31
Shaban Memia rikthehet me këshilla për Lulzim Bashën dhe me

Që kur dha dorëheqjen në vitin 2011-të si drejtor i ALUIZNI-t, Shaban Memia nuk ka qenë aktiv në media dhe ka qëndruar larg debateve të brendshme në PD, por ish-deputeti është rikthyer së fundmi për të komentuar zhvillimet e reja.

Në një intervistë për 'Gazetën Shqiptare', Memia këshillon Lulzim Bashën që të shkëputet nga servilët dhe lëpirësit, pasi PD-ja është në ditët më të vështira që nga themelimi i saj. Si një nga funksionarët më jetëgjatë në PD dhe anëtar i Këshillit Kombëtar, Memia apelon për shëndoshjen e partisë përmes bashkimit të energjive dhe respektimit të statutit, duke filluar që me procesin e afërt zgjedhor për kreun e ri të PD-së.

Sipas tij, “‘avokatët" e disfatës e kanë dëmtuar Bashën, i cili ka nevojë të shkëputet nga servilët dhe lëpirësit dhe t’i bashkohet lëvizjes për shëndoshjen e PD-së, si kusht për kthimin e saj në pushtet për realizimin e misioneve historike në funksion të vlerave dhe parimeve të së djathtës moderne evropiane”.

Shaban Memia kritikon gjithashtu zëdhënësen e PD-së, Ina Zhupa për debatet e fundit ku është përfshirë, pasi ajo duhet të paraqesë vetëm qëndrimet zyrtare të partisë.

“Po kaq sa trishtuese është humbja e PD-së në këto zgjedhje, e papranueshme, cinike dhe poshtëruese ka qenë, përpjekja për t’i bërë avokati kësaj disfate nga disa drejtues të niveleve të ndryshme të strukturave të PD-së, përfshirë edhe zëdhënësen e kësaj force politike (sipas statusit, zëdhënësi paraqet qëndrimin zyrtar). Kjo është jo vetëm e papranueshme, por me pasoja të pariparueshme, sepse u bë linçimi nga politika zyrtare e mijëra e mijëra demokratëve për të vetmin fakt se nuk pajtohen në asnjë rrethanë me rezultatin e PD-së”, ka thënë Memia.

Të fundit