Flash News

SHBA përfshihet në luftë, pse Trump mori rrezikun të sulmonte Iranin?

Mbytet turistja boshnjake në Durrës

Aksident masiv në aksin Librazhd-Qukës, 3 të plagosur, njëri në gjendje kritike

Përfshihet nga flakët një apartament në Yzberisht

Grabiti në 2021 një argjendari në Gjirokastër, ekstradohet nga Greqia 45-vjeçari (EMRI)

E-TJERA

Ditët e nxehta të qershorit, rriten ndjeshëm vizitat në spitalin psikiatrik të Vlorës

Politiko 22 Qershor 2025, 17:58
Ditët e nxehta të qershorit, rriten ndjeshëm vizitat në

Në Spitalin Psikiatrik të Vlorës, gjatë këtyre ditëve të nxehta të muajit qershor është shënuar një rritje e ndjeshme e numrit të vizitave nga persona që paraqesin shqetësime të shëndetit mendor ku shkon deri në 30 vizita në ditë, nga këto vizita ka dhe raste që pacientët marrin shërbim spitalor në spitalin Psikiatrik.

“Janë shtuar rastet që kërkojnë ndihmë mjekësore, si në qendrën komunitare ashtu edhe në ambientet e vetë spitalit, i cili mbulon të gjithë jugun e vendit”, tha Stiliano Lepuri, mjek psikiatër.

Sipas tij, temperaturat e larta ndikojnë ndjeshëm në gjendjen e pacientëve, veçanërisht tek ata që vuajnë nga ankthi, sëmundje kronike mendore apo përdorues të substancave narkotike dhe alkoolit.

“Nuk mungojnë as të rinjtë, të cilët shpesh paraqiten për vizitë ose përfundojnë të shtruar për trajtim më të zgjatur”, tha ai.

Aktualisht në qendrën komunitare të shëndetit mendor kryhen mbi 35 vizita në ditë. Jo të gjitha rastet kërkojnë shtrim, por një pjesë e mirë marrin mjekimin dhe largohen.

Janë regjistruar edhe raste të turistëve të huaj që kanë kërkuar ndihmë, kryesisht për shkak të përdorimit të substancave gjatë qëndrimit të tyre në Vlorë madje dy prej tyre kanë marrë sherbim spitalor prej disa muajsh.

Mjeku psikiatër apelon për kujdes të shtuar në këtë periudhë të nxehtë, duke rekomanduar që pacientët të shmangin daljet në diell, të marrin rregullisht mjekimet dhe të mos konsumojnë alkool./TCH

Të fundit