Flash News

Matura 2025, publikohen notat e provimit të Gjuhës Shqipe dhe Letërsisë

Breshëri dhe stuhia e fortë “mbërthejnë” Belshin

KAS rrëzon PS-në për rivlerësimin e votave

Gjuha shqipe përfshihet në komunikimet zyrtare të shkollave publike në Nju Jork

Aksidentohet në Itali, humb jetën 46-vjeçari shqiptar (EMRI)

Ditari i Opozitës

Tabaku: Shqipëria ka paga afrikane dhe çmime europiane

Politiko 20 Qershor 2025, 20:33

Tabaku: Shqipëria ka paga afrikane dhe çmime europiane

Deputetja e Partisë Demokratike, Jorida Tabaku ka kritikuar qeverinë përmes lidhur me rritjen çmimeve në Shqipëri, që sipas saj janë bërë të papërballueshme.

Në një videoje në rrjetet sociale, Tabaku e ka quajtur këtë fakt një realitet të padrejtë për qytetarët.

“Sot Shqipëria konkurron me Bashkimin Europian vetëm për çmime!” – deklaron Tabaku. Ajo nënvizon se sipas të dhënave zyrtare për vitin 2025, çmimet për produktet bazë si djathi, qumështi, vezët dhe vaji janë përkatësisht 25-30% më të larta se mesatarja e BE-së. Ndërkohë, karburanti mbetet ndër më të shtrenjtët në rajon, duke arritur çmime që kapin kufirin e 2 dollarëve për litër – të barabarta me ato të Zvicrës.

Tabaku thekson kontrastin e thellë mes standardit të jetesës në vend dhe niveleve europiane, duke rikujtuar se të ardhurat për frymë të shqiptarëve janë vetëm 40% e mesatares së BE-së. “Ky është realiteti shqiptar: paga afrikane, çmime europiane!”, deklaron ajo.

Sipas saj, zgjidhja qëndron te kontrolli i tregjeve, hapja ndaj konkurrencës dhe përmbysja e modelit ekonomik të kapur nga pakica. Ajo kërkon që ekonomia të rikthehet në shërbim të shumicës dhe të familjeve shqiptare që sot përballen me barrën më të rëndë ekonomike në rajon.

“Përse qytetarët shqiptarë duhet të paguajnë më shumë se europianët për të njëjtat produkte, kur kanë më pak të ardhura?”, pyet Tabaku, duke e mbyllur me një thirrje të qartë: Kjo duhet ndryshuar.

Të fundit