Flash News

U denoncua i zhdukur nga i ati, 23-vjeçari gjendet i pajetë pranë liqenit të Shkopetit

U mbyt duke shpëtuar dy turistë në Shkodër, vijojnë kërkimet për trupin e kapitenit të anijes turistike

Me simbolin e shqiponjës, Torino prezanton blerjen e mbrojtësit të Kombëtares shqiptare

Zhdukja e Eraldo Muçit, zbardhet dëshmia e nënës së tij: Djali im ishte shok me Sançon

28 të arrestuar në Itali e Spanjë për trafik droge, mes tyre një shqiptar

E-TJERA

BKH dhe SPAK kontrolle në banesën dhe biznesin e Agasit, Gjokutaj: Është mjegullnaja mediatike

Politiko 20 Qershor 2025, 18:08

BKH dhe SPAK kontrolle në banesën dhe biznesin e Agasit, Gjokutaj:

Dy skuadra me agjentë të BKH-së, shoqëruar dhe nga patrulla të policisë së Shtetit kanë zbatuar së fundmi një vendim të gjykatës GJKKO, duke ushtruar kontrolle në banesën dhe zyrat e biznesit të Ergys Agasit, i njohur si bashkëpunëtori i ngushtë i kryeministrit Edi Rama. 

Bëhet fjalë për kontrollin e 4 vendeve, ku agjentët e BKH-së të urdhëruar nga prokurorët e SPAK, kanë kryer kontrollin e banesës në Durrës dhe Tiranë si dhe vendeve të biznesit që zotërohet nga biznesmeni, por nuk dihet me saktësi se për çfarë hetimi bëhet fjalë.

Për avokatin Genc Gjokutaj, ky akt nuk eshtë gjë tjetër veçse një mjegullnajë mediatike, me qëllim kompozimin e gjithë fabulës.

I ftuar në Syri Tv, Gjokutaj tha se ‘padronët’ e Ergys Agasit, ende nuk e kanë kristalizuar qartë se si duhet trajtuar ai më tutje nga ana e pushtetit.

'Ata kanë informacion për vende, ngjarje, linja dhe kundrejt kësaj ngarkesë të këtyre njerëzve me informacion kriminal, dhe kujdesi i personave që u kryhet shërbimi duhet të jetë maksimal deri në momentin që nuk hanë kumbulla e dardha'.

Ergys Agasi ka dalë, pastaj se si duhet ta trajtojë qeveria, Rama dhe njerëzit e interesuar për të pritet të shihet. Kjo është mjegullnaja mediatike për Agasin, padronët e tij s’e kanë kristalizuar qartë fabulën e ngjarjen për të qëndruar sipas versionit të tij. Sa më pak kosto për Agasin, ai s’është vendimarrës, është postier që letrën e çon të ‘nëndaja’ e jo në postë. Aty ku jepet porosia.

Ergysi di shumë për ta, dhe deri sa të kompozojnë skenografinë mbi qëndrimin ndaj agasit do të ketë një mjegullnajë të tillë. Për të ulur vëmendjen e publikut, shkojnë e bëjnë kontroll në banesë. Agasi ka qenë korrieri për rrethin e PS, dhe ergysi të mos ketë informacion për kontrollet e banesës së vet, dhe ai të mos e dinte, që të mos e pastronte?! Është karikaturë, si të gjitha të tjerat ku procesi kalon në dritëhijet e veta dhe përfundon në fund në mënyrën se si do të përfundojë. Si Ergysi, janë shumë, edhe që dinë shumë.

Çdo objekt ka koordinatorin e vet, ky s’është vetëm i bandave, por edhe i drejtësisë. Këta koordinatorë s’mbahen në funksion të ligjit, por në funksion të fshehjes së ligjit mbi lidhjet e qeverisë me krimin. Ata kanë informacion për vende, ngjarje, linja dhe kundrejt kësaj ngarkesë të këtyre njerëzve me informacion kriminal, dhe kujdesi i personave që u kryhet shërbimi duhet të jetë maksimal deri në momentin që nuk hanë kumbulla e dardha. Kjo krizë politike e mazhorancës, vazhdon avionin nga Dubai, duke sjellë persona të lidhur me pushtetin e tërësisht të korruptuar.

Është e ngjashme me rastin Veliaj, u bënë kontrolle banesash, dolën Nesti Angoni, u përfshi bashkëshortja, vëllai i tij u shmang…këta nuk e nisin me çështjen e emrit që del në pasarelin e Oskarit të krimit. Këta merren me një çështje që mund të sfumohet rrugës, ashtu siç merren me incineratorët dhe Veliajt I përmendin të brendshmet e të shoqes, ndërsa të ininceratori, SPAK nuk guxon, se aty është Rama. Në çështjet ku është Edi Rama, SPAK i bie nga unaza nuk shkon në qendër", tha Gjokutaj. 

Të fundit