Flash News

Fuste dr*gë dhe sende të paligjshme në qeli, arrestohet polici i burgut të Drenovës

Lavrov: NATO po rrezikon vetëshkatërrimin me buxhetin e ri ushtarak

​Kurti e Vuçiç "përballen" nesër në Shkup

Bie nga skelat, humb jetën punëtori i ndërtimit në Berat

Prokuroria dërgon për gjykim dy zyrtarët e Bashkisë Korçë

KRYESORE

Shqipëria dhe Kosova bashkohen me Serbinë, letër kundër Kroacisë në Komisionin Europian

Politiko 3 Gusht 2017, 09:34
Shqipëria dhe Kosova bashkohen me Serbinë, letër kundër

Shqipëria dhe Kosova i janë bashkuar shqetësimit të ngritur nga Serbia, Bosnje-Hercegovina dhe Maqedonia lidhur me vendimin e fundit të Kroacisë për rritur taksat për produktet bujqësore që importon nga këto vende.

Shqipëria, Bosnja, Kosova, Maqedonia, Mali i Zi dhe Serbia i kanë dërguar një letër të përbashkët Komisionit Europian ku ankohen për vendosjen e barrierave jo-tarifore nga ana e Kroacisë për frutat dhe perimet që mbërrijnë nga këto vende. Zagrebi vendosi këtë javë që të zgjerojë listën e frutave dhe perimeve nga vendet jashtë BE-së, të cilat duhet t’i nënshtrohen kontrolleve fitosanitare në kufi, si dhe ka caktuar tarifa që janë 22 herë më të shtrenjta se ato të mëparshmet.

Sipas taksës së re, një certifikatë e pajtueshmërisë me standardet e tregut kroat tani do të kushtojë 270 euro në vend të 12 eurove.

Ky vendim do të prek kryesisht Serbinë, Bosnjen dhe Maqedoninë që janë tre vendet kryesore në eksportet e frutave dhe perimeve drejt Kroacisë. Në letrën e firmosur gjithashtu nga Tirana dhe Prishtina, Zagrebi akuzohet për veprim të njëanshëm, i cili do të dëmtojë marrëdhëniet që kompanitë e këtyre vendeve kanë me kompanitë kroate. Shtetet e Ballkanit Perëndimor e konsiderojnë këtë lëvizje kundër principeve të marrëveshjes së Stabilizim Asocimit.

Beogradi, Sarajeva dhe Shkupi kanë paralajmëruar për kundërpërgjigje, ndërkohë nga Podgorica, Tirana dhe Prishtina nuk ka ende një reagim.

Mike Pence përjashton Edi Ramën nga ‘Karta e Adriatikut’ për shkak të atleteve?

Të fundit