Skandali me të dhënat personale në facebook, Zuckerberg do të dëshmojë në Kongres

Pas raportimeve lidhur me skandalin që ka përfshirë këto ditë rrjetin më të madh social, facebook, themeluesi Mark Zuckerberg ka vendosur që të dëshmojë para Kongresit amerikan.

Bëhet fjalë për mundësinë se ky rrjet ka përdorur dhënat personale të përdoruesve të tij. Drejtori ekzekutiv do të dëshmojë para ligjvënësve mbi rrjedhën e publikimit të të dhënave, si dhe për politikat e Facebook mbi mbrojtjen e privatësisë.

Burime për CNN konfirmojnë se 33-vjeçari ka vendosur që të dëshmojë para Kongresit amerikan brenda disa javësh dhe Facebook po planifikon strategjinë për dëshminë e tij.