Soni Malaj është një nga këngëtaret që gjithmonë ka spikatur për baladat e saj. Sot e kësaj dite, disa prej baladave që ajo ka kënduar janë ende të dëgjuara dhe renditen ndër më të bukurat në muzikën shqiptare.
Së fundmi, Soni ka guxuar duke provuar dhe zhanre që nuk kanë qenë shumë në natyrën e saj por mesa duket ka ardhur koha që të na rikthehet ajo “Soni e baladave”.
Sipas “Revista Anabel” Malaj do të konkurrojë në “Kënga Magjike” me një baladë e cila nga mbrapa ka një super ekip. Makin është kompozitori i këngës, me të cilin ka bashkëpunuar dhe për këngët “Të dua ty” dhe “Ndarja”.
Teksti është shkruar nga Ilir Berani, i cili është bashkëshorti i Gilit dhe një nga tekstshkruesit më të mirë në Kosovë si dhe orkestrimi është bërë nga Shpëtim Saraçi. Risia e Saraçit është se ai për herë të parë bashkëpunon në orkestrimin e një këngë me të birin e tij, Drinin.
Kënga mban titullin “Shije tradhëtie” dhe mesa duket do jetë një tjetër baladë e fuqishme e këngëtares që do të marrë zemrat e publikut.
Discussion about this post