Tabela/ Rikthehet i nxehti, e premtja dita më ‘përvëluese” e kësaj jave

Rikthehen sërish ditët e nxehta mbi territorin shqiptar.

Shërbimi Meteorologjik Ushtarak publikon tabelën me parashikimin e temperaturave për këtë javë. Sipas MSHU, temperaturat vijnë duke u rritur gradualisht, ndërsa e premtja pritet të jetë dita më e nxehtë.

“Java që sapo ka nisur, parashikohet përgjithësisht me mot të qëndrueshëm dhe e nxehtë. Dita e premte si shkak i pranisë së vranësirave dhe zagushisë parashikohet të jetë dita më e nxehtë.
Era do të fryjë nga veriperëndim-juglindja e lehtë dhe herë pas here në mesditë përgjatë bregdetit do të marri shpejtësi mesatare. Valëzimi në det i forcës 2 ballë”, sqaron MSHU.