Flash News

Fuste dr*gë dhe sende të paligjshme në qeli, arrestohet polici i burgut të Drenovës

Lavrov: NATO po rrezikon vetëshkatërrimin me buxhetin e ri ushtarak

​Kurti e Vuçiç "përballen" nesër në Shkup

Bie nga skelat, humb jetën punëtori i ndërtimit në Berat

Prokuroria dërgon për gjykim dy zyrtarët e Bashkisë Korçë

KRYESORE

Tirana pa ujë në fundjavë, do nisë punën impianti i ri në Bovillë

Politiko 4 Qershor 2020, 16:23
Tirana pa ujë në fundjavë, do nisë punën impianti i ri

Në fundjavë kryeqyteti do të ketë kufizime në furnizimin me ujë, ndërsa qytetarët duhet të marrim masa për të siguruar rezerva. Mësohet se punimet për lidhjen e linjës së transmetimit të Ujëmbledhësit të Bovillës me Impiantin e trajtimit të ujit në Bovillë, që do të dyfishojë prurjet e ujit.

Zv/drejtoresha e përgjithshme e UKT, Evis Gjebrea  shpjegoi për Report Tv se do të nisin punimet për lidhjen e linjës së transmetimit të Ujëmbledhësit të Bovillës me Impiantin e trajtimit të ujit në Bovillë dhe kjo do shkaktojë ndërprerjen e ujit.

Ndër të tjera ajo shtoi se janë marrë masat për të siguruar furnizim të qëndrueshëm, gjatë fundjavës, për institucione të rëndësisë së veçantë.

Punimet do të nisin që në orët e para të mëngjesit të ditës së shtunë. Ndaj dhe qytetarët duhet të përgatiten për mungesë të ujit gjatë fundjavës.

Edhe Bashkia e Tiranës, sqaron përmes një njoftimi për mediat se do kryhen punimet e fundit për pikën e takimit që lidh Ujëmbledhësin e Bovillës me Impiantin e trajtimit të ujit në Bovillë.

Njoftimi nga Bashkia Tiranë: 

Linja e re e transmetimit që lidh Ujëmbledhësin e Bovillës me Impiantin e trajtimit të ujit në Bovillë, ka përfunduar dhe është gati për kryerjen e lidhjeve finale të pikave të takimit.

Linja është e gjatë 10 km dhe do të transmetojë 1800 litra ujë në sekondë, pra dyfishon e sasinë e ujit që shkon për trajtim në Impiantin e Bovillës.

Kështu, me shtimin e sasisë së ujit në trajtim pritet një rritje e ndjeshme e orareve të furnizimit me ujë të pijshëm në pjesën më të madhe të kryeqytetit. Kjo linjë, me diametër DN900, prej gize sferoidale, është ndërtuar paralelisht me linjën ekzistuese, duke shtuar një tjetër arterie kryesore furnizuese për qytetin. Pika e takimit të saj, pranë ujëmbledhësit, do të kryhet përmes kolektorit kryesor të liqenit, ndërkohë që pika e takimit pranë Impiantit do të bëhet përmes një by pass-i të dedikuar.

Njoftojmë qytetarët e Tiranës se gjatë ditës së Shtunë, dt. 06.06.2020, është parashikuar kryerja e punimeve për lidhjen e linjës me ujëmbledhësin dhe Impiantin e Bovillës. Për këtë arsye, kërkojmë mirëkuptimin e të gjithë banorëve për kufizimet e furnizimit me ujë, që do të ndodhin gjatë kësaj fundjave. Punimet do të fillojnë që në orët e para të mëngjesit, duke angazhuar në terren të gjithë stafin e ekspertëve të UKT-së, në mënyrë që të sigurojmë finalizimin në kohë rekord të tyre, me qëllim normalizimin sa më shpejt të furnizimit me ujë.

Ujësjellësi i Tiranës ka marrë të gjitha masat e nevojshme për të siguruar furnizim të qëndrueshëm, gjatë fundjavës, për institucione të rëndësisë së veçantë si spitalet, urgjenca mjekësore, burgjet etj. Ndërkohë, sugjerojmë që qytetarët të marrin masa për të mirë-administruar depozitat personale apo të godinës ku banojnë.

Të fundit