U vra pas grabitjes në Rinas, Admir Murataj do të gjykohej te Krimet e Rënda pas pesë ditësh

Gjykata për Krime të Rënda do të niste gjykimin për grabitësin Admir Murataj, i cili mbeti i vrarë në grabitjen e të martës në aeroportin e Rinasit.

46-vjecari ishte në kërkim lidhur me tri grabitjet e tjera, të ndodhura prej 2015-ës, në të cilat Murataj është konsideruar si organizator.

Gazeta ‘panorama’ shkruan se seanca e parë ishte caktuar pas pesë ditësh pas një viti pezullim dhe do të gjykohej në mungesë.

Admir Murataj, i njohur ndryshe edhe me mbiemrin Nikaj akuzohej nga Krimet e Rënda për veprat penale ‘ vjedhje të bankave’, grup i strukturuar kriminal’.