‘Unë nuk jam aty për të ngritur zërin, fjalët e tepërta janë fukarallëk’, Reme Lala sqaron pse nuk i ‘ndihet zëri’ në Parlament

Deputetja e PDIU-së për qarkun e Dibrës, Reme Lala ka sqaruar pasivitetin e saj në sallën e Parlamentit ku ajo përfaqëson elektoratin e qe e ka votuar. Ajo ka publikuar në facebook një foto të sajën mbi të cilën shkruan se njerëzit i nënvlerësojnë ata që qendrojnë në heshtje.

Lala e përkthen heshtjen e saj në ‘vëzhgim dhe dëshirë për të mësuar të mirat dhe të këqijat e ambientit që e rrethon’. Në nisjen e sesionit të ri parlamentar, deputetja e PDIU-së i ka siguruar ndjekësit e saj se ajo është në Parlament ‘sërish jo për të ngritur zërin’.