Vasilika Hysi: Është normale arrestimi i Klevis Balliut

Deputetja e Partisë Socialiste, Vasilika Hysi e ka konsideruar normale arrestimin e Klevis Balliut, ish-deputet i PD-së, për shkak se ka shkelur ligjet për tubimet dhe ka kundërshtuar punonjësit e policisë.

“Është normale. Ne kemi ligj për tubimet dhe që i përcakton qartë rregullat e organizimit. Nuk mund të bllokosh akset rrugore dhe t’ja bësh jetën skëterrë qytetarëve. Nuk mund të vësh dorë mbi punonjësit e rendit”, tha Hysi në studion e ‘News 24’.

Balliu u arrestua pak ditë më parë gjatë protestës te ‘Unaza e Re’, ndërkohë që prokuroria ka kërkuar ndaj tij masën e sigurisë “arrest shtëpie”.