Video/ Trump për pak harron që ka një djalë me Melania-n

Presidenti i të Bashkuara të Amerikës, Donald Trump, është bërë sërish pjesë e rrjeteve sociale për shkak se ka bërë gabime gjatë fjalimit të tij (gjë që ndodh shpesh).

Trump, gjatë konferencës për shtyp në Shtëpinë e Bardhë në lidhje me rrezikun e cigareve elektronike, bëri një gabim, që nga përdoruesit e rrjeteve sociale u konsiderua gafë.

Teksa merrte një shembull personal, duke iu referuar djalit të tij dhe Melania-s, ai e quajti “djali i saj”.

“Cigaret elektronike janë një biznes i madh mesa kuptoj, një biznes i jashtëzakonshëm në një periudhë të shkurtër kohore. Por s’mund t’i lejojmë njerëzit të sëmuren dhe s’mund të lejojmë rininë të ndikohet kaq shumë. Kështu u përfshi edhe Zonja e Parë, e cila ka një djalë… Bashkë… “– u shpreh Presidenti, duke e kuptuar gabimin dhe duke shtuar në fund “bashkë”.

Kaq është dashur që videoja të bëhet virale në Internet dhe të komentohet pafund.