Vodafone Albania ka reaguar zyrtarisht pas një lajmi që qarkullon në disa media sipas të cilit kompania është në shitje dhe se do të tërhiqet nga tregu shqiptar. “Vodafone e mohon kategorikisht këtë lajm”, thuhet në komunikatën për media të shpërndarë nga zyra e shtypit e kompanisë.
Po aty theksohet se Vodafone është një kompani në zgjerim, gjë që e dëshmon edhe blerja e operatorit fiks ‘Abcom’, si dhe një plan investimi në insfratrukturën e rrjetit me vlerë 500 milion euro.
“Vodafone konfirmon angazhimin e saj në tregun shqiptar, si një prej tregjeve kyçe të Vodafone në Europë”, mbyllet komunikimi i kompanisë për publikun.
Financuar Nga Bashkimi Europian
