Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Malltezi flet për herë të parë pas lirimit nga arresti: Dosja ka mbi 100 mijë faqe marrira

Politiko 9 Korrik 2025, 09:59

Malltezi flet për herë të parë pas lirimit nga arresti:

Jamarbër Malltezi ka folur për herë të parë pas lirimit nga arresti shtëpiak.

Në një intervistë për “Kafe Shqeto” në Syri Tv, Malltezi u shpreh se njeriu duhet të përballet sido që t’i vijë jeta, duke i përballuar të gjitha me besim.

Demokrati tha se e gjithë dosja e ndërtuar nga SPAK ka marrëzira, duke filluar nga kallëzimi i rremë i Taulant Ballës, tek letër-porositë e SPAK për Italinë.

Malltezi deklaroi se i gjithë procesi u motivua politikisht nga Escobar e Yuri Kim dhe më pas Rama dha urdhër që të nisë procedimi penal ndaj Sali Berishës.

"Jam mirë... Njeriu i përballon të gjitha në rast se ka besim, në rast se lexon dhe di. Për mua, qysh në momentet e para më janë kujtuar disa histori që unë kam me heronj që unë kam. Për shembull – një nga heronjtë dhe heroinat që unë kam, janë motrat Qirjazi dhe kanë një pasazh në të cilat motrat Qirjazi, njëra prej tyre shkon tek Koto Hoxhi. Dhe Koto Hoxhi i cili ishte i burgosur i mësonte shqip dhe kjo quhej herezi. Pra, për një regjim që luftonte gjuhën, kjo quhej herezi. Dhe ajo vishet si burrë dhe shkon ta takojë dhe shkon 5 kate nën dhe. Kështu që, njeriu duhet të përballet sido që t’i vijë jeta.

Dosja ka mbi 100 mijë faqe dhe kanë futur marrira pafund. Kanë çuar në Itali ngaqë nuk donin të thoshin që Taulant Balla ka bërë kallëzim të rremë, do shkonin të gjenin ç’të mundeshin. Dhe i kanë çuar letër-porosi Italisë. Dhe i thonë Italisë, që ne dyshojmë se këto pesë familje i kanë bërë të gjitha dhe ju lutem na sillni ç’të keni për Shqipërinë. Dhe u kanë çuar gjithë arkivin. Janë 16 dosje. Tani imagjino të lexosh dhjetëra e mijëra faqe, sesi një kolonel ka marrë me qira një shtëpi në Sarandë apo Shkodër. Çfarë lidhje ka... Kjo është pjesë e dosjes. A të shkon mendja të lexosh këto dosje. Janë marrira pafund që nuk kanë asnjë lidhje.

Kemi lexuar vetëm këto që ka sjellë prokuroria, që i ka patur detyrim, për aq kohë sa i solli sepse më pas nuk e zbatoi.

Këtu u pa e qartë që në momentet e para, kur diplomatë të korruptuar si ‘Escobari’ apo Yuri Kim, i bënin presion të dilnin ata në intervistë. Sikur ishin yzmeqarë të tyre dhe i thonin të procedohet penalisht Berisha, gjeni çtë doni... pra, që në ato momente kuptohej që nuk kishe të bëje me një proces ligjor.

Unë kam treguar një shkresë, një tabelë, që fill pas urdhrit të Edi Ramës që të procedohej penalisht Sali Berisha, janë 16 kërkesa që ka bërë SPAK. Pra, Edi Rama e urdhëroi urgjent dhe SKAPI veproi me kërkesa drejt gjithë institucioneve.

Por kujdes, jo kërkesa për çështje konkrete, por çfarë keni për 30 vjet për Sali Berishën, për fëmijët e Sali Berishës, për dhëndrrin dhe për mbesat e Sali Berishës, që para 30 vitesh kur asnjëra prej tyre nuk kishte lindur. Dhe kam shkresa të bukura ku shkresa i kthejnë përgjigje që i thonë se kemi hetuar por nuk kemi gjetur gjë", tha Malltezi.