Flash News

I vuri zjarrin banesës së hallës, arrestohet vlonjati

Tiranë/ 59-vjeçari bie nga kati i dytë i banesës

Edi, jerm

Në kërkim nga Italia, kapet në Durrës trafikanti i drogës (EMRI)

Parlamenti Evropian miraton raportin për Shqipërinë

DITARI POLITIK

Eurodeputeti gjerman: Zgjedhjet në Shqipëri të pabarabarta! Pati abuzim nga pushteti aktual

Politiko 9 Korrik 2025, 10:35

Eurodeputeti gjerman: Zgjedhjet në Shqipëri të pabarabarta! Pati

Eurodeputeti gjerman Michael Gahler ka komentuar së fundmi zgjedhjet parlamentare të 11 Majit në Shqipëri.

Gjatë fjalës së tij në Parlamentin Europian, Gahler u shpreh se zgjedhjet ishin të pabarabarta.

Ai tha se ndonëse teknikisht zgjedhjet shkuan mirë, mungesa e një fushe të barabartë loje dhe përdorimi i burimeve shtetërore për qëllime elektorale janë tregues të qartë të abuzimit me pushtetin.

Sipas tij zgjedhjet u shoqëruan me akuza për pastrimin parash dhe ndikim nga grupet kriminale në ekonomi. 

"Kam qenë në Shqipëri gjatë zgjedhjeve të fundit. Teknikisht ato shkuan mirë, por në fakt ne si vëzhgues dhe OSBE-ja, arritëm në përfundimin se nuk kishte një fushë loje të barabartë, sepse pati abuzim me pushtetin aktual, që do të thotë, për shembull, ata dhuruan një shumë prej 100 eurosh për pensionistët, pak përpara zgjedhjeve, ose që gjobat e trafikut, për gjobat e makinave, u anuluan dy ditë para zgjedhjeve.

Këto janë çështje që nuk duhet të ndodhin dhe që do të duhet të adresohen, përfshirë edhe rekomandimet që ende nuk janë zbatuar. Dhe vërtet, duhet të them, historitë që dëgjon, përveç vëzhgimit të zgjedhjeve, për strukturat që lidhen me pastrimin e parave, ky është një fakt. Ka 30,000 apartamente që qëndrojnë aty, bosh, sepse janë ndërtuar me para të pastruara, dhe njerëzit që kërkojnë banesa, nuk mund t’i përballojnë.

Ekzistojnë këto skema të trafikut të drogës, dhe duhet të shohim, dhe unë jam i bindur, që do ta menaxhojmë këtë, që këto struktura të mos përfitojnë nga hyrja në Bashkimin Evropian. Ato duhet të shkatërrohen përpara se ky vend të hyjë në BE. Faleminderit shumë",- u shpreh Gahler.

Të fundit