Flash News

Aksident në aksin Vlorë-Qeparo, një i plagosur

Të përfituara me dokumente të falsifikuara, Prokuroria sekuestron 276 hektarë tokë në Fier

Skandali me votat e diasporës/ Berisha publikon provat: DHL i dorëzoi zarfet pa asnjë firmë në zyrat e PS-së

Lirimi i Salianjit/ Berisha: U dënua politikisht nga Rama dhe Xhafa!

Plagosje me thikë në bulevardin e Peshkopisë

Ditari i Opozitës

Lirimi i Salianjit/ Berisha: U dënua politikisht nga Rama dhe Xhafa!

Politiko 8 Korrik 2025, 13:00

Lirimi i Salianjit/ Berisha: U dënua politikisht nga Rama dhe Xhafa!

Kryetari i Partisë Demokratike, Sali Berisha ka reaguar në lidhje me lirimin me kusht të ish-deputetit demokrat Ervin Salianji. 

Në një deklaratë për mediat Berisha u shpreh se Salianji ishte një i dënuar politik, që vuajti jashtë çdo ligji dhe kushtetute. 

Kreu i PD-së, ka ngritur më tej akuza se mbajtja në burg e Salianjit pa asnjë faj është sipas tij përgjegjësi direkt personale e kryeministrit Rama dhe Fatmir Xhafës.

Berisha: Para se të ndalemi në farsën e turpshme elektorale, 11 maj 2025, dua të dënoj edhe njëherë me forcën më të madhe, dënimin politik ndaj deputetit Ervin Salianji nga Edi Rama dhe Fatmir Xhafaj, krerë kryesorë të organizatës kriminale të narkoshtetit.
Ervin Salianji vuajti jashtë çdo lloj ligji, Kushtetute dhe rregulli.
9 muaj në burg vetëm e vetëm pse denoncoi Geron Xhafën si trafikant kryesor në qarkun e Vlorës, i cili kërkohej në Milano.
Burgosja e Ervin Salianjit kishte si synim kryesor burgosjen e të vërtetës se Edi Rama, Fatmir Xhafaj dhe Geron Xhafaj udhëhiqnin dhe përfitonin nga trafiqet nga Vlora drejt Italisë.
Natyrisht mbajtja në burg e Ervin Salianjit pa asnjë faj është përgjegjësi direkt personale e Edi Ramës dhe Fatmir Xhafës.
Vendimi i sotëm i gjykatës u shty po me urdhër të Edi Ramës dhe Fatmir Xhafës mbi 6 javë në një akt të turpshëm dhe hakmarrës pa fund.

Më tej Berisha u shpreh se qëllimi i Ramës ishte t’i këpuste karrierën politike Salianjit, që ai të mos kandidonte më në parlament, ndërsa shtoi se ish-deputeti është një nga drejtuesit e PD, aktiv dhe do japë kontributin e tij në opozitë.

Berisha: Ervin Salianji është një nga drejtuesit e PD, aktiv dhe do japë kontributin e tij.
Sikundër u garantoj se ai do të damkosë në të gjitha shkallët ndërkombëtare të gjyqësorit, sepse qëllimi kryesor i Edi Ramës ishte t’i këpuste karrierën politike atij, që ai të mos kandidonte më në parlament se e kishte tmerr.
Edi Rama dhe Fatmir Xhafaj, dy bosë kryesorë të organizatës kriminale të narkoshtetit, u plagosën rëndë nga denoncimet e Ervin Salianji.

Të fundit