Vuçiç: Serbia mirënjohëse ndaj Francës, Macron nuk do ta harrojë vendin tonë

Presidenti i Serbisë Aleksandar Vuçiç vlerëson Francën për mbështetjen që i ka dhënë vendit të tij në rrugën evropiane. Ai shtoi se i beson kreut të shtetit francez Emmanuel Macron.

“Serbia nuk po merr pjesë në një fushatë pothuajse të orkestruar kundër Macron-it mbi disa vendime të BE-së, specifikisht vendimin për të mos hapur bisedimet e anëtarësimit në bllok të Maqedonisë së Veriut dhe Shqipërisë.

Kur bëhet fjalë për një metodologji të re në procesin e zgjerimit të BE-së të iniciuar nga Franca, i mbetet Serbisë të presë. Unë jam i bindur se presidenti francez Emmanuel Macron nuk do ta harrojë Serbinë ose nuk do ta lërë atë vetëm”, tha Vuçiç në një konferencë për shtyp me ministren franceze të Mbrojtjes, Florence Parly.