Ambasadori i SHBA-së në Kosovë, Philip Kosnett, u kërkoi ministrive dhe komunave të Kosovës që të publikojnë procedurat për raportimin dhe hetimin e akuzave për mashtrim dhe korrupsion. Kosnetti tha se është mjaft i interesuar në luftën kundër krimit të organizuar dhe korrupsionit në Kosovë.
Në një postim në Twitter ai nxiti komunat dhe ministritë, që t’i publikojnë procedurat e tyre për rastet e tilla.
“Kohët e fundit kemi publikuar linjën tonë për raportimin e supozuar të parregullsive në punësimin dhe prokurimin e Ambasadës. Ne sfidojmë ministritë dhe komunat e Kosovës që të publikojnë procedurat e tyre për raportimin dhe hetimin e pretendimeve për mashtrim dhe korrupsion”, shkroi Kosnetti në profilin e tij.
We recently publicized our hotline for reporting alleged improprieties in Embassy hiring and procurement. We challenge #Kosovo ministries & municipalities to publicize their own procedures for reporting & investigating allegations of fraud and corruption. https://t.co/jLavxQhfMU pic.twitter.com/r4ByFcxwBQ
— Ambassador Philip S. Kosnett (@USAmbKosovo) January 17, 2020
