Bota

Moderna: Vaksina funksionon edhe kundër varianteve të reja të Covid-19

Moderna: Vaksina funksionon edhe kundër varianteve të reja të

Vaksina anti-covid e kompanisë Moderna duket se funksionon kundër varianteve të reja, të cilësuara si me infektive të gjetur në Mbretërinë e Bashkuar dhe Afrikën e Jugut, thonë shkencëtarët nga kompania farmaceutike amerikane.

Testet e hershme laboratorike sugjerojnë që antitrupat e shkaktuar nga vaksina mund të luftojnë variantet e reja, shkruan BBC, teksa shton se nevojiten më shumë studime për të konfirmuar se kjo është e vërtetë për njerëzit që janë vaksinuar.

Variantet e reja janë përhapur shpejt në disa vende. Ata kanë pësuar ndryshime ose mutacione që do të thotë se ato mund të infektojnë qelizat njerëzore më lehtë sesa versioni origjinal i koronavirusit që nisi pandeminë.

Ekspertët mendojnë se varianti i ri, mund të jetë deri në 70% më i transmetueshëm.

Sa shqetësuese janë variantet e reja?

Vaksinat aktuale u krijuan rreth varianteve të mëparshme, por shkencëtarët besojnë se ato ende duhet të funksionojnë kundër atyre të reja.

Për këtë studim, studiuesit shikuan mostrat e gjakut të marra nga tetë persona që kishin marrë dy doza të rekomanduara të vaksinës Moderna.

Gjetjet duhet të shqyrtohen nga kolegët, por sugjerojnë se imuniteti nga vaksina funksionon akoma kundër varianteve të reja.

Mostrat e gjakut që ishin të ekspozuar ndaj varianteve të reja duket se kishin antitrupa të mjaftueshëm për të arritur këtë neutralizues, megjithëse efekti nuk ishte aq i fortë për variantin e Afrikës së Jugut krahasuar me atë në Mbretërinë e Bashkuar.

Moderna thotë se kjo mund të nënkuptojë që mbrojtja ndaj variantit të Afrikës së Jugut mund të zhduket më shpejt.

Më shumë se 6.3 milion njerëz në Britani kanë marrë tashmë dozën e parë të vaksinës Pfizer ose AstraZeneca.

Ditari politik

Të fundit