Flash News

Sherr brenda kafazit të xhamit, të pandehurit dhunojnë njëri-tjetrin në GJKKO

Vala e të nxehtit vjen në Shqipëri, temperaturat deri në 40 gradë

Panik në pushtet? Rama sulmon protestuesit që kërkojnë largimin e tij: Budallenj, mendje të cekëta

Këmbimi valutor 15 qershor/ Me sa blihen e shiten dollari dhe euro

“Rama ik”, shqiptarët e Gjermanisë protestë në Berlin kundër qeverisë

Bota

Hantavirusi/ Eksperti italian: Rrezik për transmetim mes njerëzve

Politiko 8 Maj 2026, 17:21

Hantavirusi/ Eksperti italian: Rrezik për transmetim mes njerëzve

Profesori italian Carlo Federico Perno ka ngritur shqetësime për rrezikun që paraqet Hantavirusi pas rasteve të raportuara në anijen turistike “MV Hondius”.

Në një intervistë për “Corriere della Sera”, ai shpjegon se në disa prej rasteve fatale është identifikuar varianti “Andes”, i vetmi lloj i Hantavirusit për të cilin është dokumentuar mundësia e transmetimit nga njeriu te njeriu, në kushte kontakti të afërt dhe të zgjatur.

Sipas ekspertit, zakonisht Hantaviruset përhapen nga kontakti me sekrecionet e brejtësve të infektuar, si urina, jashtëqitjet apo pështyma, të cilat mund të thithen në formë grimcash në ajër. Më rrallë, infektimi mund të ndodhë edhe përmes kafshimeve apo gërvishtjeve.

Perno kujton se virusi nuk është i ri, pasi është identifikuar për herë të parë në vitin 1978 në Korenë e Jugut. Ai thekson se, ndonëse infeksionet janë të rralla, në disa raste ato mund të jenë shumë të rënda, duke prekur veshkat në Evropë dhe Azi, ndërsa në Amerikë sistemin respirator, me pasoja më të rënda.

Eksperti shton se në Evropë qarkullojnë forma më pak agresive të virusit dhe se në Itali nuk janë regjistruar raste të konfirmuara, megjithatë mbikëqyrja mbetet e kufizuar.

Sa i përket situatës aktuale në anije, ai paralajmëron se periudha e inkubacionit mund të zgjasë deri në 8 javë, çka lë të hapur mundësinë që disa pasagjerë të jenë ende në fazë rreziku pa shfaqur simptoma.

Perno thekson gjithashtu se nuk ka vend për panik, por për monitorim të kujdesshëm, duke shtuar se disa persona mund ta kalojnë infeksionin pa simptoma, ndërsa ende nuk dihet nëse ata mund të jenë burim transmetimi.

Aktualisht nuk ekziston trajtim specifik apo vaksinë kundër Hantavirusit, ndërsa rastet e rënda trajtohen me mbështetje respiratore. Megjithatë, ai nuk përjashton mundësinë që nëse situata përkeqësohet, shkenca të zhvillojë një vaksinë, siç ndodhi me pandeminë e COVID-19.

Sipas tij, mbetet ende e paqartë nëse kemi të bëjmë me një shpërthim të izoluar apo me një përhapje më të gjerë, ndërsa raportimet e reja nga Amerika e Jugut kërkojnë vëmendje të shtuar nga autoritetet shëndetësore.

Të fundit