Flash News

Protestuesit rreshtojnë atlete para Kryeministrisë si simbol i emigrimit

Elon Musk bëhet trilioneri i parë në botë

Armand Shakaj dyshohet se e vrau dhe e groposi Eglant Koçin, çfarë u bë “mollë sherri” mes shokëve

Ulen çmimet e karburanteve, ja sa do të shitet nafta dhe benzina

POLITICO nxjerr deklaratën e fortë të Ramës: Të huajt janë më të rëndësishëm se shqiptarët

Ditari i Opozitës

Berisha: Ta përcjellim një minutë e më parë Ramën, vetëm për shqiptarët nuk mendon

Politiko 13 Qershor 2026, 18:40

Berisha: Ta përcjellim një minutë e më parë Ramën,

Kryetari i Partisë Demokratike, Sali Berisha, ka ashpërsuar tonet ndaj qeverisë dhe kryeministrit Edi Rama, duke kërkuar largimin e tij dhe duke e akuzuar për moskujdes ndaj qytetarëve. Ai foli për atë që e quajti “mafia e inputeve” në bujqësi, duke paralajmëruar masa të rrepta dhe duke pretenduar se kjo situatë rrezikon prodhimin dhe shëndetin e konsumatorëve.

Berisha e lidhi kritikën e tij edhe me çështje të korrupsionit dhe pasurive, duke ngritur akuza për mënyrën e ndërtimit të pasurive personale dhe tenderave publikë.

Berisha: Një mafie e rrezikshme ju kërcënon ju. Mafia e inputeve.
E cila kërcënon prodhimet, jetën, shëndetin jo vetëm tuajin por dhe të konsumatorëve.
Disiplinë rigoroze do përcaktojmë. Por të dashur miq, të gjitha këto mund të bëhen realitet. Dhe ju garantoj se do bëhen pikë për pikë realitet, me kusht që të largojmë atë grup hajdutësh të tillë nuk i ka pasë toka. Jo.
Enver Hoxha, diktatori më mizor, nga paranoja e tij i çonte paratë e qytetarëve në bunkerë e tunele. Bëri dhe një vilë, por nuk e regjistroi në emër të tij.
Jo, atë vilë e regjistroi si shtëpi shteti. Edi Rama ka një vilë me gjatësi themelesh sa Presidenca e Republikës, sa Këshilli i Ministrave. Me oborr 8300 metër katror, më të madh se pallati presidencial.
Po absolutisht, të gjitha në emër të tij. Po si u ndërtuan ato? Nga i gjeti këto? Ndërkohë kishte të deklaruara në dokumentet e deklarimit të pasurive 3800 euro dhe 4400 lekë të reja.
Ky ishte deklarimi. Po shumë thjesht, ai që ndërtoi pallatin paj mori nga 70 milionë, 300 e sa milionë në rrugën Qukës-Qafë Plloç.
Tjetri dhjetëra tendera të tjera. Kështu që në këtë mënyrë, ai mund të ndërtojë jo një saraje, por një fshat saraje. Dhe njerëzit ikin, varfërohen.
Ndaj dhe duhet t'i përshëndesim përzemërsisht këta të rinj dhe qytetarë që janë ngritur, pas një akti dhunë kriminal, zvarritjes në tokë të qytetarit sikur të ishte një bishë e prerë dhe jo një njeri që po protestonte se ia kishin rrethuar fshatin me tela me gjemba.
As në Korenë e Veriut nuk veprojnë në këtë mënyrë.
Të gdhihet fshati në mëngjes gjendet i rrethuar me tela me gjemba. Ku jemi kështu?
Ndaj dhe edhe një herë, thirrja ime, në mënyrë që të realizojmë këto programe transformuese, duhet ta përcjellim një minutë e më parë Edi Ramën, i cili për çdo gjë mund të mendojë, por jo për qytetarët shqiptarë. Faleminderit.