Flash News

Protestuesit 'sfidojnë' Botërorin, lumë njerëzish në rrugët e Tiranës

Peter Lucas në Boston Herald: “Qeveria Rama”, më e mira që mund të blejnë paratë

Berisha: Nuk kam qenë kurrë non-grata! Ishte një ndalim hyrje në SHBA

Zyrtare/ SHBA heq sanksionin 'non-grata' për Sali Berishën

Goditet call center-i në Tiranë, arrestohen 4 organizatorët, procedohen 49 punonjës

Ditari i Maxhorancës

Deputeti i PS tregon si u tundua nga protesta: Për një moment mendova të futesha, por dëgjova fjalime ordinere

Politiko 11 Qershor 2026, 21:36

Deputeti i PS tregon si u tundua nga protesta: Për një moment mendova

Deputeti socialist Eduard Shalsi ka komentuar protestën qytetare që po zhvillohet prej ditësh në bulevardin “Dëshmorët e Kombit”, duke theksuar se ajo përmban dy realitete të ndryshme që, sipas tij, nuk përputhen me njëra-tjetrën.

I ftuar në A2 CNN, Shalsi tha se krahas shqetësimeve të ligjshme të qytetarëve, në protestë ka pasur edhe retorikë fyese, slogane të tejkaluara dhe mesazhe që ai i cilësoi si nacionaliste apo vulgare.

“Në këtë protestë të gjithë e dimë që nuk ka një pamje unike. Pra ka larmi zërash, shtresa të ndryshme të popullsisë dhe ka dy boshte që sipas meje, sipas nesh nuk përputhen me njëra-tjetrën. Njëri për shembull është fakti që ka fjalime shumë të çuditshme, ka fjalor vulgar, banal. Ka parulla të vjetra, tradhtar, ka artikulime nacionaliste, ka artikulime ordinere, të cilat sipas meje bien ndesh me një pjesë të shëndetshme të protestuesve. Në anën tjetër kemi të paktën nga zbardhja e disa fjalimeve që ne kemi parë, kemi parë disa fjalime të strukturuara, të qarta, me problematika reale, me vërejtje sipas nesh dhe sipas meje shumë të drejta”, u shpreh ai.

Shalsi tregoi se gjatë ditëve të fundit ka zhvilluar takime dhe biseda me qytetarë që marrin pjesë në protestë, për të kuptuar më mirë arsyet e pakënaqësisë së tyre, duke pranuar se shumë prej shqetësimeve të ngritura janë reale.

“Unë kam rreth një javë, kemi miqtë tanë, kam një kushëririn tim që thashë e dua fort, e respektoj fort dhe unë kam 10 ditë që rri paradite për të kuptuar më mirë me këto njerëz duke pi kafe dhe duke kuptuar shqetësimet e tyre dhe janë shqetësime reale”, tha deputeti socialist.

Më tej, ai ndau edhe një përvojë personale nga ditët e para të protestës, kur u gjend mes protestuesve teksa po lëvizte në këmbë në qendër të Tiranës. Sipas tij, pavarësisht dallimeve politike, nuk u përball me fyerje apo ofendime.

“Në ditën e dytë apo të tretë të protestës më qëlloi që të isha tek kullat binjake dhe për shkak se makina nuk vinte dot më merrte, duhet të shkoja në këmbë deri tek shallvaret dhe ndesha përballë, po themi numër jo të vogël protestuesish. Për hir të së vërtetës nuk më fyeu kush. Nuk më ofendoi kush. Ndonjëri më tha atë shprehjen time të famshme. Pata disa miq të mi. Pashë edhe një kushëririn tim që e dua fort dhe e respektoj fort për të vërtetën. Pra pashë fytyra do të thoja të bukura saqë për një moment thashë a të kthehem unë? Madje kujtimi, një miku im, futi krahun dhe tha: ‘Ej, dhe ti në protestë’. Dhe pashë një mjedis burrash, grash, të rinjsh, fëmijësh me karroca, nëna, vajza saqë për një mend thashë të kthehem dhe njëherë unë t’i dëgjoj një çik se çfarë po thonë këto”, deklaroi Shalsi.

Të fundit