Flash News

Berisha: Në PPE kërkova mbështetje ndërkombëtare për protestat qytetare, PD i mbështet plotësisht

“Mandi tha se do të nxirrte një frigorifer”, zhdukja e Eglant Koçit, zbardhet dëshmia e përkrahësit të autorit

"Mbro tokën", mes protestave, BE i kujton Ramës kushtin për integrim

Kush janë 4 anëtarët e grupit kriminal të arrestuar në Tiranë

Prindër, bëni kujdes me kondicionerin! Mjeku tregon shenjat e para të edemës së laringut

E-TJERA

Mijëra qytetarë përshkojnë Tiranën në marshim, rikthehen para Kryeministrisë me thirrjen "Rama jepe dorëheqjen"

Politiko 10 Qershor 2026, 22:52

Mijëra qytetarë përshkojnë Tiranën në marshim,

Protesta e 11-të qytetare kundër qeverisë është shoqëruar mbrëmjen e sotme me një marshim masiv në rrugët kryesore të Tiranës, ku mijëra qytetarë kanë vijuar të kërkojnë dorëheqjen e kryeministrit Edi Rama.

Pas grumbullimit disaorësh në bulevardin përballë Kryeministrisë, protestuesit u shpërndanë në disa prej akseve më të frekuentuara të kryeqytetit, duke e kthyer marshimin në një demonstrim të gjerë qytetar.

Kolona e protestuesve kaloi fillimisht pranë Bashkisë së Tiranës, për të vijuar më tej drejt zonës së “9-Katësheve”, rrugës së Kavajës dhe 21 Dhjetorit. Më pas marshimi u drejtua drejt zonës së “Vasil Shantos” dhe stadiumit “Dinamo”, përpara se pjesëmarrësit të riktheheshin sërish në bulevardin para Kryeministrisë.

Gjatë gjithë itinerarit, qytetarët kanë mbajtur pankarta dhe flamuj kombëtarë, ndërsa kanë përsëritur vazhdimisht thirrjet kundër qeverisë. “Rama jep dorëheqjen”, “Ju erdhi fundi”, “Edi Rama ka mbaru”, ishin disa nga sloganet që dominuan marshimin.

Në përfundim të marshimit, protestuesit u rikthyen para godinës së Kryeministrisë, ku vijuan tubimin dhe përsëritën thirrjen e përnatshme: “Nesër më shumë”, duke paralajmëruar vazhdimin e protestave edhe në ditët në vijim.

 

 

 

Të fundit