Si pastroheshin paratë e vëllezërve Koçeku? Sekuestrohen 100 mln euro pasuri, bllokohet biznesi i Orgest Birçajt

Prokuroria e Posaçme ka goditur një grup të strukturuar kriminal në zonën e Kamzës. Bëhet fjalë pë grupin e drejtuar nga dy vëllezërit Abedin dhe Luciano Koçeku, të cilën drejtonin aktivitetin në fushën e trafikut të drogës dhe pastrimit të parave.

Sipas të dhënave të regjistruara në Qendrën Kombëtare të Biznesit, Koçeku zotëron tërësisht kompaninë “G.A.V Invest”, e themeluar në vitin 2022, me objekt veprimtarie në fushën e ndërtimit, projektimit dhe investimeve në komplekse rezidenciale, turistike dhe industriale.

Emri i tij shfaqet gjithashtu në sektorin energjetik. Ai rezulton aksioner në kompaninë “Ballenja Kompani”, e cila ka përfituar koncesionin për ndërtimin dhe shfrytëzimin e hidrocentralit “Ballenjë” në Bulqizë. Në këtë shoqëri, Koçeku ka pasur edhe rol administrativ së bashku me ortakë të tjerë.

Përveç kësaj, ai figuron me pjesëmarrje aksionare edhe në kompaninë “SGD Energji”, e angazhuar në prodhimin dhe tregtimin e energjisë elektrike.

Luçiano Koçeku ka qenë më herët në qendër të vëmendjes mediatike edhe për një incident të ndodhur në verën e vitit 2024 në Palasë, ku u raportua se ishte përfshirë në një konflikt fizik në një resort turistik.

Të gjithë biznesmenët e përfshirë në hetim, dyshohet se kanë pastruar paratë e këtij grupi kriminal të ardhura nga veprimtari të paligjshme. SPAK ka sekuestruar 100 mln euro prona në kuadër të këtij hetimi.

Paratë e sekuestruara

Vendosjen e sekuestros preventive mbi pasuritë e luajtshme, shuma monetare në valutën euro të ndodhura në llogarinë bankare te noteres publike Amela Mukaj , person fizik, si më poshtë vijon:

i) Shuma e parave 110.247.134 euro, sipas kontratës së shitjes me nr. 2062 rep., nr. 1166 kol., datë 24.04.2026 me palë Artur Shehu dhe "Albanian Land Development" sh.p.k., e ndodhur në llogarinë numër 435001036CLPRBFEURMJ të noteres AMELA MUKAJ PERSON FIZIK.
85

ii) Shuma e parave 10.044.684 euro, sipas kontratës me nr. 2060 rep., nr. 1164 kol., datë 24.04.2026 me palë Ferdinand Sulaj dhe Burbuqe Sulaj dhe "Albania Land Development" sh.p.k., e ndodhur në llogarinë numër 435001036CLPRBFEURMJ të noteres AMELA MUKAJ PERSON FIZIK.

iii) Shuma e parave 8.062.619 euro, sipas kontratës me nr. 2061 rep., nr. 1165 kol., datë 24.04.2026 me palë Ferdinand Sulaj dhe Burbuqe Sulaj dhe "Albania Land Development" sh.p.k., e ndodhur në llogarinë numër 435001036CLPRBFEURMJ të noteres AMELA MUKAJ PERSON FIZIK.

Bllokohet biznesi i Orgest Birçaj

Me urdhër të SPAK, është bllokuar biznesi i makinave luksoze me qira, 'Top Seven', i cili ndodhet pranë ish-Prakut të Autobusëve në Tiranë.

Biznesi rezulton në pronësi të një gruaje, Erinda Lutaj, por që dyshohet se është pronë e biznesmenit Orgest Birçaj.

Ndaj këtij të fundit, SPAK ka lëshuar masën e sigurisë "arrest në burg" në kuadër të operacionit për gurpin e drejtuar nga Luçiano dhe Abedin Koçeku, grup që e kishte shtrirë aktivitetin në fushë e trafikut të drogës dhe pastrimit të parave.