"Je shumë e bukur!", kush është aktorja që fshihet pas shuplakës së Brigitte ndaj Macron

Brigitte Macron e goditi bashkëshortin e saj, Emanuel Macron në fytyrë pasi lexoi mesazhet që presidenti francez i dërgoi një aktoreje joshëse, sipas The Sun. 

Presidenti Macron akuzohet se shkroi një mesazh ku i thoshte "je shumë e bukur", gjë që e shtyu Brigitte ta godiste në nofull para dhjetëra kamerave vitin e kaluar.

Në atë kohë, momenti i sikletshëm u mbyll me pretendimin se çifti thjesht "po bënte shaka" me njëri-tjetrin.

The Sun shkruan se shuplaka erdhi në fakt pasi ajo lexoi një mesazh sekret.

Redaktori politik i revistës Paris Match, Florian Tardif, ka pohuar në librin e tij të ri, Një Çift (Pothuajse) Perfekt, se Brigitte në të vërtetë pa një mesazh për aktoren e famshme iraniane Golfitech Farahani.

Tardif thotë se ka folur me mbi 70 burime, përfshirë vetë Zonjën e Parë të Francës, për të bashkëpunuar në historinë e tij.

Ai i pohoi radios RTL: “Presidenti francez kishte një lidhje dashurie platonike me aktoren për disa muaj.

“Ata ma kishin thënë këtë vazhdimisht. Mesazhet që më treguan ishin mjaft të avancuara, të stilit ‘je shumë e bukur’.

“Këto mesazhe çuan në tensione që përfunduan me bërjen publike të grindjes private.”
Libri i tij tashmë ka premtuar të ofrojë një “hetim” mbi “zonat e ndaluara” të Macron-ëve.

Farahani ka mohuar vazhdimisht çdo përfshirje romantike me Macron-in në të kaluarën.

Ajo doli publikisht disa vite më parë për të pretenduar se thashethemet janë të nxitura nga “thashetheme të pabaza” dhe etja e botës për një skandal.

Përfaqësuesit e Brigitte Macron kanë mohuar akuzat e fundit.
Ata i thanë Le Parisien: “Brigitte Macron ia mohoi kategorikisht këtë rrëfim drejtpërdrejt autores më 5 mars.

“Duke specifikuar se ajo nuk e shikon kurrë telefonin celular të burrit të saj.”

Çifti presidencial sapo kishte zbarkuar në Vietnam  në turneun e tyre në Azinë Juglindore kur rrëmuja e çuditshme u pa në të gjithë botën.

Ndërsa dyert e aeroplanit të tyre u hapën në aeroportin e Hanoit, Macron u pa përballë gruas së tij dhe duke folur me të ndërsa ajo ishte jashtë kuadrit.

Krahët e Brigitte u pane duke u ngritur ndërsa ajo e shtyn në fytyrë Macronin me pamje të ashpër.

Udhëheqësja franceze e tronditur kthehet menjëherë për të parë dyert e hapura dhe një det të tërë gazetarësh që e presin në fund të shkallëve.

Ai kthehet për të përshëndetur, nxjerr një buzëqeshje të detyruar dhe përpiqet të largohet nga shuplaka tronditëse.

Brigitte dhe Macron dalin së bashku nga avioni dhe zbresin shkallët, me udhëheqësin francez që i zgjat krahun gruas së tij.