Kush janë pretendentet kryesorë për çmimin Nobel në Letërsi në vitin 2023, mes tyre edhe Kadare

Zbardhen autorët më të mundshëm për të fituar çmimin Nobel të këtij viti në letërsi, kjo ‘Firstpost.com’.

Autorja kineze, Can Xue është një figurë e njohur në botën letrare dhe është në krye të listës së pretendenteve për çmimin prestigjioz.

Salman Rushdie, një figurë tjetër e njohur letrare me një krijimtari të gjerë letrare, po fiton vëmendje të konsiderueshme në diskutimet rreth fituesve të mundshëm të çmimit Nobel.

Romancieri me origjinë indiane, u sulmua me thikë vitin e kaluar ndërsa ishte në skenë në Nju Jork,

Emri i Mircea Cartarescu po qarkullon si një fitues i mundshëm Nobel për veprat e tij që gërmojnë në kufijtë e realitetit dhe trillimit.

 Mircea Cartarescu është i njohur për përzierjen e tij unike të surrealizmit, postmodernizmit dhe realizmit magjik në veprat e tij letrare.

Autorja ruse Lyudmila Ulitskaya, e njohur për romanet e saj që thellohen në kompleksitetin e marrëdhënieve personale, konsiderohet si një pretendente kryesore për Çmimin Nobel në Letërsi.

Lyudmila Ulitskaya shquhet gjithashtu për kritikat e saj të hapura ndaj Kremlinit.

Emra të tjerë përfshijnë shkrimtarët hungarez Peter Nadas dhe Laszlo Krasznahorkai, shqiptari Ismail Kadare, superylli letrar kenian Ngugi ëa Thiong'o dhe Margaret Atëood, romancierja e mirënjohur kanadeze.

Çmimi Nobel për Letërsinë është një nder i madh në botën e letërsisë dhe është i dhënë “personit që do të ketë prodhuar në fushën e letërsisë veprën më të shquar në një drejtim ideal”, sipas testamentit të Alfred Nobelit.

Këtë vit, çmimi është rritur në 11 milion korona suedeze, duke e bërë atë një çmim edhe më të dëshiruar.