Flash News

Sherr brenda kafazit të xhamit, të pandehurit dhunojnë njëri-tjetrin në GJKKO

Vala e të nxehtit vjen në Shqipëri, temperaturat deri në 40 gradë

Panik në pushtet? Rama sulmon protestuesit që kërkojnë largimin e tij: Budallenj, mendje të cekëta

Këmbimi valutor 15 qershor/ Me sa blihen e shiten dollari dhe euro

“Rama ik”, shqiptarët e Gjermanisë protestë në Berlin kundër qeverisë

Bota

Luftimet me Hamasin, mbi 600 izraelitë të vrarë, mijëra të plagosur

Politiko 8 Tetor 2023, 16:58

Luftimet me Hamasin, mbi 600 izraelitë të vrarë, mijëra

Më shumë se 600 izraelitë janë vrarë në sulmet nga Gaza që nga e shtuna, thotë qeveria vendase.

Besohet se rreth 100 ushtarë dhe civilë u rrëmbyen kur luftëtarët palestinezë kaluan kufirin dhe bastisën komunitetet, raporton BBC.

Sulmet hakmarrëse ajrore izraelite kanë vrarë të paktën 370 njerëz në Rripin e Gazës, me 2200 të plagosur, thonë zyrtarët palestinezë.

Një shtetas britanik, Jake Marlowe, është zhdukur në Izrael, teksa ishte duke punuar në një festë në natyrë pranë kufirit të Gazës kur ndodhi sulmi, ndwrsa njw tjetwr britanik (Nathanel Young, 20 vjeç ) që shërbente me ushtrinë izraelite është vrarë në një sulm nga militantët e Hamasit, thotë familja e tij.

Edhe në Egjipt, dy turistë izraelitë dhe udhërrëfyesi i tyre egjiptian u qëlluan për vdekje në Aleksandri, me sa duket nga një polic.

Vala e sulmeve e nisur nga grupi militant Hamas të shtunën në mëngjes është përshkallëzimi më i madh në dekada mes dy palëve.

 Izraeli i shpalli zyrtarisht luftë Hamasit të dielën, duke krijuar terrenin për një operacion të madh ushtarak në Gaza, ndërsa luftimet janë ndezur në tokën izraelite pas sulmit të befasishëm të së shtunës nga grupi militant islamik, në të cilin u vranë qindra izraelitë.

Sulmi terrorist çoi në ditën më vdekjeprurëse në dekada për Izraelin dhe erdhi pas muajsh të dhunës në rritje midis palestinezëve dhe izraelitëve, me konfliktin e gjatë që po shkon tani në një territor të ri të paeksploruar dhe të rrezikshëm.

Kryeministri izraelit Benjamin Netanyahu është zotuar se do të hakmerret, duke paralajmëruar se vendi i tij po përgatitet për "një luftë të gjatë dhe të vështirë" përpara. Ai u bëri thirrje palestinezëve që jetojnë në Gaza që "të largohen tani".

Të fundit