Flash News

Shkaktoi aksidentin e dyfishtë në Vlorë, arrestohet ish-drejtori i Doganës së Fierit

Arben Ahmetaj merret zyrtarisht i pandehur nga SPAK, nën akuzë për 3 vepra penale

Rama niset drejt Britanisë së Madhe, takim me Rishi Sunak; fokusi tek emigracioni dhe krimi

Mjeti përplaset me trafikndarësen në aksin Fushë Krujë-Thumanë, humb jetën pasagjeri

Posta e mëngjesit/ Me 2 rreshta: Çfarë pati rëndësi dje në Shqipëri

Bota

Pentagoni gjurmon një balonë survejimi kineze mbi SHBA

Politiko 3 Shkurt 2023, 08:41

Pentagoni gjurmon një balonë survejimi kineze mbi SHBA

Shtetet e Bashkuara po gjurmojnë një balonë të dyshuar kineze mbikëqyrjeje në lartësi të lartë mbi Shtetet e Bashkuara, thanë zyrtarët e mbrojtjes të enjten, një zbulim që rrezikon të shtojë tensione të mëtejshme në marrëdhëniet SHBA-Kinë.

Zëdhënësi i Pentagonit, Gjenerali Patrick Ryder tha se qeveria amerikane e ka gjurmuar balonën për disa ditë teksa po kalonte rrugën mbi veriun e Shteteve të Bashkuara, duke shtuar se "udhëtonte në një lartësi shumë mbi trafikun ajror komercial dhe nuk paraqet kërcënim ushtarak apo fizik për njerëzit në tokë.”

CNN shkruan se një zyrtar i lartë i mbrojtjes amerikane tha se zyrtarë të lartë ushtarakë kishin këshilluar presidentin Joe Biden të mos e rrëzonte atë për shkak të frikës se mbeturinat mund të përbënin një kërcënim sigurie për njerëzit në terren.

“Ne kemi besim se ky balonë vëzhgimi në lartësi të madhe i përket [Republikës Popullore të Kinës]”, tha zyrtari i lartë i mbrojtjes. “Raste të këtij aktiviteti janë vërejtur gjatë disa viteve të fundit, përfshirë edhe para kësaj administrate.”

SHBA, tha zyrtari, “gjithsesi po ndërmerr hapa për të mbrojtur kundër mbledhjes së informacionit të ndjeshëm nga inteligjenca e huaj. Ne po gjurmojmë gjithashtu se çfarë aftësish mund të ketë për të fituar njohuri dhe vazhdojmë ta monitorojmë balonën ashtu siç ishte mbi Shtetet e Bashkuara kontinentale.”

Zyrtarët e sigurisë kombëtare të SHBA-së kanë paralajmëruar vazhdimisht për përpjekjet kineze për spiunazh dhe prania e balonës në SHBA vjen në një moment të ndjeshëm me Sekretarin e Shtetit Antony Blinken që pritet të udhëtojë në Pekin në ditët në vijim, një udhëtim i rëndësishëm që synon të ndjekë veprimet e Presidentit Joe Biden, takim me presidentin kinez Xi Jinping vitin e kaluar.

 

Të fundit