Flash News

Sherr brenda kafazit të xhamit, të pandehurit dhunojnë njëri-tjetrin në GJKKO

Vala e të nxehtit vjen në Shqipëri, temperaturat deri në 40 gradë

Panik në pushtet? Rama sulmon protestuesit që kërkojnë largimin e tij: Budallenj, mendje të cekëta

Këmbimi valutor 15 qershor/ Me sa blihen e shiten dollari dhe euro

“Rama ik”, shqiptarët e Gjermanisë protestë në Berlin kundër qeverisë

Bota

Putin: Konflikti i Izraelit është i tmerrshëm, por Irani nuk është i përfshirë

Politiko 11 Tetor 2023, 17:17

Putin: Konflikti i Izraelit është i tmerrshëm, por Irani nuk

Presidenti rus Vladimir Putin ka thënë se ajo që po ndodh në Izrael është "e tmerrshme", pasi ai u bëri thirrje të dyja palëve që të minimizojnë vdekjet e civilëve.

Duke folur në një konferencë në Moskë, Putin - i cili kërkohet nga Gjykata Ndërkombëtare Penale për akuzat për krime lufte në lidhje me Ukrainën - akuzoi gjithashtu SHBA-në për nxitje të tensionit.

"Unë nuk e kuptoj pse Shtetet e Bashkuara po sjellin grupe aeroplanmbajtëse [në rajon]", tha ai - duke iu referuar SHBA-së që dërgoi ndihmë ushtarake shtesë në Izrael.

Putin tha gjithashtu se akuzat se Irani mund të ketë qenë i përfshirë në sulmin nga Hamasi ishin "të pabaza" .

Vlen të kujtohet se Rusia dhe Irani kanë një marrëdhënie të ngushtë, që konsiderohet madje si mbështetësi kryesor ushtarak i Rusisë.

Irani ka festuar sulmin e Hamasit ndaj Izraelit, por lideri i tij suprem dje mohoi të jetë i përfshirë. Teherani ka qenë një nga sponsorët kryesorë të Hamasit për shumë vite, duke i ofruar ndihmë financiare dhe armë.

Presidenti i Polonisë ka sugjeruar se Putini mund të përfitojë nga kriza në Izrael, duke shpresuar se ajo mund të shpërqendrojë nga lufta në Ukrainë - megjithëse Sekretari i Mbrojtjes i Mbretërisë së Bashkuar, Grant Shapps tha se nuk kishte "asnjë shans" për të humbur fokusin në luftë.

Të fundit