Flash News

Sherr brenda kafazit të xhamit, të pandehurit dhunojnë njëri-tjetrin në GJKKO

Vala e të nxehtit vjen në Shqipëri, temperaturat deri në 40 gradë

Panik në pushtet? Rama sulmon protestuesit që kërkojnë largimin e tij: Budallenj, mendje të cekëta

Këmbimi valutor 15 qershor/ Me sa blihen e shiten dollari dhe euro

“Rama ik”, shqiptarët e Gjermanisë protestë në Berlin kundër qeverisë

Bota

Zelensky dëshiron takimin me Xi Jinping pas planit të Kinës për paqe

Politiko 25 Shkurt 2023, 09:06

Zelensky dëshiron takimin me Xi Jinping pas planit të Kinës

Presidenti ukrainas Volodymyr Zelensky ka thënë se ka në plan të takojë liderin e Kinës Xi Jinping për të diskutuar propozimet e Pekinit për përfundimin e luftës në Ukrainë.

Duke folur në përvjetorin e parë të pushtimit të plotë të Rusisë, ai tha se propozimi sinjalizonte se Kina ishte e përfshirë në kërkimin e paqes, shkruan BBC. 

"Unë me të vërtetë dua të besoj se Kina nuk do të furnizojë me armë Rusisë," tha ai.

Plani i Kinës kërkon bisedime paqeje dhe respekt për sovranitetin kombëtar.

Megjithatë, dokumenti prej 12 pikash nuk thotë në mënyrë specifike se Rusia duhet të tërheqë trupat e saj nga Ukraina dhe dënon gjithashtu përdorimin e "sanksioneve të njëanshme", në atë që shihet si një kritikë e mbuluar ndaj aleatëve të Ukrainës në Perëndim.

Autoritetet kineze deri më tani nuk i janë përgjigjur publikisht thirrjes së Zelensky për një samit me Xi.

Ndërkohë, Rusia përshëndeti propozimet e paqes kineze. “Ne ndajmë pikëpamjet e Pekinit”, tha në një deklaratë ministria e jashtme në Moskë.

Në fillim të kësaj jave, Sekretari Amerikan i Shtetit Antony Blinken tha se Pekini po shqyrtonte furnizimin me armë dhe municione për Rusinë – një pretendim i mohuar fuqishëm nga Pekini. Të premten, mediat amerikane raportuan përsëri se qeveria kineze po shqyrtonte dërgimin e dronëve dhe predhave artilerie në Moskë.

Propozimet kineze pasojnë një vizitë të kryediplomatit të vendit Wang Yi në Moskë, ku ai u takua me Presidentin Putin dhe Ministrin e Jashtëm Sergei Lavrov të mërkurën.

 

Të fundit