Brukseli gjobit ”Facebook” me 110 milionë euro për aplikacionin “WhatsApp”

Komisioni Evropian gjobiti sot me 110 milionë euro rrjetin social “Facebook” pasi kompania amerikane kishte dhënë dokumentacione të pasakta gjatë hetimit të BE-së mbi blerjen e aplikacionit “WhatsApp” për telefona.

“Vendimi i sotëm i dërgon një sinjal të fortë kompanive, duke treguar se duhet të respektojnë të gjitha aspektet e rregulloreve të BE-së, përfshirë këtu edhe detyrimin për të dhënë informacione të sakta”, deklaroi komisionerja evropiane për Konkurrencën, Margrethe Vestager.