Flash News

Sherr brenda kafazit të xhamit, të pandehurit dhunojnë njëri-tjetrin në GJKKO

Vala e të nxehtit vjen në Shqipëri, temperaturat deri në 40 gradë

Panik në pushtet? Rama sulmon protestuesit që kërkojnë largimin e tij: Budallenj, mendje të cekëta

Këmbimi valutor 15 qershor/ Me sa blihen e shiten dollari dhe euro

“Rama ik”, shqiptarët e Gjermanisë protestë në Berlin kundër qeverisë

Ditari i Maxhorancës

U filmua duke kërcënuar punonjësen, kryebashkiakja e Rroskovecit kërkon dëmshpërblim për prishje imazhi

Politiko 7 Tetor 2023, 08:00

U filmua duke kërcënuar punonjësen, kryebashkiakja e Rroskovecit

Në muajin Maj të këtij viti Piranjat zbuluan skandalin e kryebashkiakes së Rroskovecit Majlinda Bufi. Në një audiopërgjim , Bufi bënte presion për vendin e punës ndaj një sanitare shkolle. Por jo vetëm kaq. 

Një tjetër audio-përgjim nga një tjetër qytetar mbërrin në redaksinë tonë ku sërish shfaqet kryebashkiakja e cila ushtron presion dhe kërcënon me burg qytetarin dhe arsyeja ishte pse mori pjesë në mitingun e opozitës. Të dy audio-përgjimet për Bufin patën reagime nga të shumta jo vetëm nga qytetarët por edhe politikanë të ndryshëm. Madje çështja vijon të jetë në SPAK duke kryer hetimet mbi skandalin në fjalë. 

Në atë periudhë Majlinda Bufi kërkoi me ngulm të mos transmetohej audio-përgjimi pasi sipas saj publikimi do e penalizonte kandidimin e saj. Piranjat nuk bëjnë kompromis me të vërtetën dhe sigurisht publikuan me detaje të gjithë skandalin. Pas disa muajsh Majlinda Bufi surprizon. 

Ajo ka depozituar një padi në gjykatë ku me paturpësi kërkon dëmshpërblim për prishje imazhi. Sipas Bufit prishje imazhi quhet kur thuhet e vërteta. Padyshim ne jemi të vendosur ta ndjekim çështjen deri në fund për të çuar të vërtetën atje ku duhet.

Titujt e Ministrisë së Arsimit, listë librash apo listë qokash?

Sa herë që në vendin tonë publikohen lista të çfarëdo lloji, zhurma që ngrihet është e pashmangshme. Kështu ndodhi edhe me listën e librave për bibliotekat shkollore, të rekomanduar nga Ministria e Arsimit. 
Edhe pse këtij institucioni iu deshën 9 vite që të rifillonte këtë proces, prapëseprapë debati që ndezi publikimi i titujve vijon prej javësh, me akuza dhe kundërakuza nga të gjitha palët. Qëllimi kryesor duhej të ishte pasurimi i bibliotekave shkollore me tituj cilësorë, që presupozohej të nxisnin leximin te nxënësit. Por me sa duket, realiteti është krejt ndryshe. Botues, autorë, ekspertë, si dhe drejtues të institucioneve të tjera kritikojnë cilësinë e librave të përzgjedhur, nga bordi i ngritur pranë ministrisë së Arsimit. 
Pavarësisht listës së gjatë paraprake prej 500 titujsh, aty mungojnë krijimet më të mira të autorëve përfaqësues të letrave shqipe, si Gjergj Fishta. Histori me diversantë, libra komercialë, qoka politike dhe tek-tuk ndikime klienteliste për të futur tituj, që ta humbin shijen për librin e mirë. Këto janë vetëm disa nga perlat e listës, që ish ministrja Kushi u kujdes ta shiste si një proces transparent, që përfshiu të gjithë aktorët e interesuar. 
Një tjetër paradoks i listës janë edhe autorët të njohur të letërsisë shqipe për fëmijë,të cilët ose janë përjashtuar, ose, në rastin më të mirë përfaqësohen me një titull. Botimet e specializuara të institucioneve akademike dhe kërkimore janë mangësia e radhës, në listën e kthyer në mollë sherri. Këtë e konfirmon vetë Drejtori i Institutit të Historisë, Afrim Krasniqi. 

Fatkeqësisht, më të djegurit në listën prej 500 titujsh janë shqiptarët e Kosovës, të cilët përfaqësohen me 0.4% apo thënë ndryshe vetëm dy tituj. Një shifër e tillë qesharake është konfirmuar edhe nga Shoqata e Botuesve të Kosovës. Me sa duket, telashet më të mëdha të listës problematike vijnë nga kriteret apo thënë ndryshe; nga paqartësia e tyre. 
Akuzat për abuzime lidhen me shtëpitë botuese, të cilat në rastin konkret janë një grupim i mirëfilltë interesi. Por botuesit sjellin një tjetër qasje, mbi përkrahjen financiare që përfitojnë. Sipas tyre, lista duhet të jetë pa kufizime edhe sa i takon numrit të titujve, që propozojnë. Për ekspertin e arsimit, Ndriçim Mehmeti, një gjë të tillë favorizon stoqet e librave të botuesve. 

Tashmë, lista përfundimtare me 659 tituj është hartuar, por për çudi Ministria e Arsimit ende s’e ka publikuar në faqen e saj zyrtare. Ndërkohë, fondi për listën e librave, që duket më tepër si ‘lista e dëshirave’ e disa shtëpive botuese, i është besuar drejtorive arsimore. Syri tv

Të fundit