Flash News

Sherr brenda kafazit të xhamit, të pandehurit dhunojnë njëri-tjetrin në GJKKO

Vala e të nxehtit vjen në Shqipëri, temperaturat deri në 40 gradë

Panik në pushtet? Rama sulmon protestuesit që kërkojnë largimin e tij: Budallenj, mendje të cekëta

Këmbimi valutor 15 qershor/ Me sa blihen e shiten dollari dhe euro

“Rama ik”, shqiptarët e Gjermanisë protestë në Berlin kundër qeverisë

Ditari i Opozitës

Arratiset Ilir Meta? Kreu i PL-së shijon kafenë dhe shëtitet në mes të Tiranës

Politiko 29 Tetor 2023, 16:21

Arratiset Ilir Meta? Kreu i PL-së shijon kafenë dhe shëtitet

Kreu i Partise se Lirisë,Ilir Meta është fotografuar sot në Tiranë disa ditë pas disa aludimeve në media, se është larguar nga Shqipëria pas aksioneve të SPAK.

Këto aludime u lidhën me faktin se Meta shmangu çdo dalje të tij publike, madje edhe konferencat për shtyp që i kishte të përjavshme.

Sot ai është parë në rrugët e Tiranës, fillimisht te berberi dhe më pas duke konsumuar një kafe në një bar afër stadiumit ‘Air Albania’

Paradite ai u fut për t’u qethur te një berber te ‘Pazari i ri’, ndërkohë që jashtë e priste vetëm shoferi dhe një nga shoqëruesit. Pas rreth një ore Meta i veshur sportiv me një këmishë gri të zbërthyer, bluzë të bardhë dhe pantallona blu, doli nga berberi dhe u larguar me mjetin e tij, për të ndaluar te një bar afër stadiumit.

Meta reagoi publikisht për herë të fundit më 22 tetor, pas arrestimit të Jamarbër Malltezit dhe ndalimit të Berishës për t’u larguar nga vendi, pas masës për ‘detyrim paraqitje’.

Kreu i Partisë së Lirisë reagoi për vendimin e GJKKO-së për caktimin e masës ‘detyrim paraqitje’ për ish-kryeministrin Sali Berisha sa i takon çështjes së privatizimit të ish-kompleksit Partizani.

Në një mesazh në rrjetet sociale, Meta theksoi se kjo është drejtësi me regji. Ai u shpreh se urdhri politik është dhënë nga Rama, ndërsa nënvizoi faktin se po shantazhohet opozita.

‘Drejtësia me regji ka ndërmarrë veprimet e saj antikushtetuese dhe të paligjshme ndaj Kryetarit të Partisë Demokratike Prof. Dr. Sali Berisha me urdhër politik të Edi Ramës.

Këto veprime, që kanë shkelur me këmbë edhe Parlamentin e Shqipërisë kërkojnë shmangien e vëmendjes nga korrupsioni dhe përgjegjësitë shumë të rënda personale të Edi Ramës për aferën e inceneratorëve dhe mjaft aferave të tjerave qindra milionëshe.

Qëllimi politik i vetëm është shantazhi dhe intimidimi i opozitës, e cila po denoncon me këmbëngulje të vërtetat shumë të hidhura të korrupsionit mafioz të Qeverisë’-shkruante Meta një javë më parë.

Të fundit