Flash News

Sherr brenda kafazit të xhamit, të pandehurit dhunojnë njëri-tjetrin në GJKKO

Vala e të nxehtit vjen në Shqipëri, temperaturat deri në 40 gradë

Panik në pushtet? Rama sulmon protestuesit që kërkojnë largimin e tij: Budallenj, mendje të cekëta

Këmbimi valutor 15 qershor/ Me sa blihen e shiten dollari dhe euro

“Rama ik”, shqiptarët e Gjermanisë protestë në Berlin kundër qeverisë

Ditari i Opozitës

Berisha: Dështoi plani për të kthyer PD në vasale të PS, pse Yuri Kim s'u kërkon falje demokratëve që u dha barin

Politiko 28 Shkurt 2023, 20:25

Berisha: Dështoi plani për të kthyer PD në vasale të

Kreu i PD, Sali Berisha shënjestroi ambasadoren e SHBA, Yuri Kim duke thënë se dështoi me planin për ta shndërruar PD në vasale të PS.

Në një takim me strukturat drejtuese të degëve 6, 13 dhe 16, Berisha ka ngritur pyetjen se pse Kim nuk i kërkon falje shqiptarëve, apo demokratëve që u dhe barin.

Berisha: Dështoi çdo plan për të na shndërruar PD në një vasale të PS. Dështoi çdo plan për të na emëruar kryetari e partisë. Dështoi çdo plan i McGonigalit me ftuan që donte të na mbante në krye të partisë një peng të Edi Ramës, një njeri që vetë e kishte akuzuar se është i financuar nga rusët. A kemi ne të drejtë ta pyesim këtë zonjë, që as guvernator, as kush i huaj nuk mund ti lejonte vetes shfaqjet publike që bënte ajo.

A mund ta pyes se ka 5 javë që hesht nga fija e barit, pse nuk i kërkon falje shqiptarëve, pse nuk i kërkon falje demokratëve që u dhe barin, që doje me çdo kusht dhe çdo çmim, tu lije në krye, një njeri që kishte marrë financime ruse sipas jush. Punoje për ata që i kishin dhënë financimin apo për vendin tënd. Punonte për Ramën dhe McGonigalin. Kjo është e sigurtë.

Mos mendoni se McGonigal ishte një person i izoluar, jo nuk ishte i izoluar. Nuk ishte i vetëm. Ai kishte disa bashkëpunëtor, por kishte dhe të tjerë. Ndaj dhe ne, duke nxjerrë çdo mësim duhet të ecim në këtë revolucion me bindjen se Shqipëria bëhet vetëm nga shqiptarët, me bindjen se liria që ne mbrojtëm dhe mbrojmë është forcë e pathyeshme. Me bindjen se vokacioni ynë perëndimore nuk mund të ndryshojë me asgjë. I rezistuam një agresioni korruptiv të pashembullt, por jemi në këmbë dhe ecim të sigurtë gjer në përmbysjen e Edi Ramës dhe regjimit të tij.

Revolucioni paqësor do durim, guxim. Nuk fitohet as me një ditë, as me një javë, as me një përpjekje, fitohet me persistencë, me persistencë dhe vetëm me persistencë. Nuk fitohet as me shabllonet që servirin drejtuesit, fitohet me kreativitetin e të gjithë atyre që marrin pjesë në këtë revolucion. Ndaj dhe më 3 le të jetë një ditë e veçantë e këtij revolucioni, por ai do të vazhdojë gjer në fitoren e tij të plotë.

Koha ka ardhur, koha vjen për mosbindjen civile të cilën Gandi e quante të shenjtë për një revolucion paqësor dhe ne do ta quajmë të shenjtë, do të përdorim të gjitha mjetet e saj për fitoren përfundimtare të këtij revolucioni që ka synim votën e lirë të shqiptarëve, ka synim PD-në me votën e lirë në pushtet.

Të fundit