Flash News

Sherr brenda kafazit të xhamit, të pandehurit dhunojnë njëri-tjetrin në GJKKO

Vala e të nxehtit vjen në Shqipëri, temperaturat deri në 40 gradë

Panik në pushtet? Rama sulmon protestuesit që kërkojnë largimin e tij: Budallenj, mendje të cekëta

Këmbimi valutor 15 qershor/ Me sa blihen e shiten dollari dhe euro

“Rama ik”, shqiptarët e Gjermanisë protestë në Berlin kundër qeverisë

Ditari i Opozitës

Berisha i drejtohet demokratëve për protestën e 3 marsit: Shpërndani fletëpalosje, telefononi të afërm

Politiko 26 Shkurt 2023, 20:29

Berisha i drejtohet demokratëve për protestën e 3 marsit:

Kreu i PD-së, Sali Berisha u ka dhënë direktiva anëtarëve të degëve 8, 9 dhe 10 në Tiranë që të përgatiten për organizimin e protestës së 3 marsit. Gjatë mbledhjes që zhvilloi sot në mbrëmje me demokratët, ai u bëri thirrje anëtarëve të PD-së që të rrisin takimet me qytetarët dhe të njohurit e tyre dhe t’i ftojnë që të dalin në protestën e 3 marsit.

"Këto ditë që na kanë mbetur, çdo anëtar i PD-së ka një detyrë, të trokasë në derën e fqinjës së vetë, të trokasë tek i njohuri i vetë. Të telefonojë cilindo që mundet, ta ftojë që data 3 mars të jetë një arritje tjetër e revolucionit tonë demokratik. Të përgatitemi për të gjitha mjetet e mosbindjes civile. Mahatma Gandhi e konsideron mosbindjen civile si momentin e shenjtë të revolucionit paqësor. Ndaj dhe ne, do përdorim çdo formë të saj kundër regjimit monist të Edi Ramës.  

Shtyllë kryesore e revolucionit tonë janë zgjedhjet e 14 majit. Energjia, përkushtimi i këtij revolucioni duhet të jenë përcaktuese për të firmosur fitoren më 14 maj. Kandidatët tanë janë kandidatë të vërtetë të qytetarëve. A mund të krahasoni ju, kandidatin e PD-së, Belind Këlliçin, një demokrat me parametra të shkëlqyera familjare, formimit, arsimimit dhe të gjithave, me një njeri që vjen nga kazani i veseve, mashtrimeve dhe vjedhjeve të hapta.

Me një njeri i cili këtyre qytetarëve të Tiranës, me të gjithë veprimtarinë e tij korruptive, jua shndërroi qytetin në një nga 10 qyteteve më të ndotura. Do të thotë një nga 10 qytetet me sëmundje të rrezikshme më të lartë. Ndotja e një qyteti është vetëm sëmundje e rrezikshme. Vërtet ka gradaçela në vende të tjera, por shifini sa hapësirë ka përreth tyre. Këtu sa gjendet një copë truall, ndërtohet një tjetër me 10mijë ose 20 mijë banorë. A mund të krahasohen këta.

Një kandidat që vjen çdo ditë midis jush, ju dëgjon juve dhe komshinjtë, me një kandidat që nuk guxon të vijë tek ju. U shkon me 10 policë bashkiakë. Çfarë e lidh qytetin me këtë. U ndala në këto momente për të theksuar epërsinë e padiskutueshme morale dhe profesionale që kanë kandidatët tanë në Tiranë dhe kudo në krahasim me kandiatët që dalin nga korrupsioni.

Këto ditë që na ndajnë nga 3 marsi, janë më të çmuarat në veprimtarinë tonë. Ndaj dhe pres nga ju, me urgjencë të mobilizoni çdo anëtar, çdo seksion dhe grupseksion. Nëse qytetarët e Tiranës ju shohin ju në rrugë duke biseduar dhe duke shpërndarë vetëpalosjet me të vërtetat, qytetarëve do ju rritet respekti për ju. Do ju ndjekin dhe më datën tre mars do jetë një nga protestat më të mëdha në historinë e Shqipërisë. Kam shumë besim në angazhimin tuaj."

Të fundit