Flash News

Drejtori i ARRSH-së paraqitet në SPAK

Berisha thërret protestë më 16 maj: Zgjedhjet u diktuan nga bandat kriminale

Dosja “Toyota Yaris”/ SPAK kërkon 6 vite burg për avokatin Radovan Çela

Shkodër, familjarët gjejnë të varur 65-vjeçaren

Burgu i Durrësit ‘bastion’ i PS

Ditari i Opozitës

Berisha i prerë për 14 majin: PD do të hyjë në zgjedhje vetëm me vulën, logon dhe flamurin e saj

Politiko 2 Shkurt 2023, 18:22

Berisha i prerë për 14 majin: PD do të hyjë në zgjedhje

Kryetari i Partisë Demokratike, Sali Berisha vijon akuzat se kryeministri Edi Rama po përpiqet të përjashtojë këtë forcë politike nga zgjedhjet lokale të 14 Majit.

Në fjalën që mbajti gjatë takimit me Kryetarët e Degëve të PD në të gjithë vendin, Berisha tha se Rama nuk do t’ia arrijë qëllimit dhe u shpreh i bindur se PD do të hyjë në zgjedhje vetëm me vulën, logon dhe flamurin e saj.

Berisha: Ka një përpjekje tjetër siç e dini nga Edi Rama direkt, për të përjashtuar PD-në nga zgjedhjet. Kësaj përpjekje do ti përgjigjemi me revoltë të përgjithshme. Secili prej jush dhe çdo anëtar i PD duhet ta ketë të qartë si kristali, se gjykatat e këtij vendi, në përputhje me ligjin dhe Kushtetutën ka vendosur legjimitetin e kuvendit të 11 dhjetorit 2021. Dhe në çdo vend të botës, ky vendim ka vetëm një vlerë, për regjistrimin në regjistrin e partive politike dhe shoqatave.

Ky vendim në çdo vend të lirë shërben vetëm për kaq. Edi Rama urdhëron të mos regjistrohet nga kancelari vendimi i gjykatës dhe në kundërshtim flagrant me çdo parim, shpall palë Alibashën, pa qenë palë. Çfarë jemi këtu, në këtë situatë, jemi në një përpjekje primitive hakmarrëse për të përjashtuar PD-në nga zgjedhjet. PD do të futet në zgjedhje dhe do të futet vetëm me vulën, logon dhe flamurin e saj.

Absolutisht kurrë nuk do të pranojmë të na lejë njeri, të na përjashtojë nga zgjedhjet. Ndaj dhe do të organizojmë revoltën paqësore më të fuqishme që ka njohur Shqipëria. Do të përdorim të gjitha mjetet e mosbindjes civile, dhe zgjedhjet do ti fitojë PD-ja.

Të fundit