Flash News

Nuk e lejojnë të kandidojë si i pavarur, Merkuri kallëzon penalisht kreun e degës së PS në Sarandë

Largohet nga radhët e Alibeajt , kandidati i PD-së për këshilltar në Durrës tërhiqet nga gara dhe i bashkohet koalicionit

“Ky despot sot ka në dorë të gjitha pushtetet”, Berisha: Qëllimi i Ramës ishte Shqipëria pa opozitë

Situata e COVID-19 në Shqipëri. Një humbje jete, ja sa të infektuar pati në 24 orët e fundit

Rrëzimi i dy helikopterëve në SHBA: Konfirmohen nëntë të vdekur

Ditari i Opozitës

Berisha me strukturat flet për skandalin McGonigal: Pasi futi në xhep Bashën, Rama përdori Sorosin për të më shpallur ‘non grata’

Politiko 3 Shkurt 2023, 19:50

Berisha me strukturat flet për skandalin McGonigal: Pasi futi në xhep

Kryetari i PD-së, Sali Berisha zhvilloi një takim me kryetarë, sekretarë dhe grupet e punës së degëve të Tiranës. Fokusi i diskutimeve ishte skandali i McGonigal. Berisha u shpreh se kryeministri Rama korruptoi një nga njerëzit më të rëndësishëm të FBI-së për të marrë peng opozitën. Më tej ai u bëri një pasqyrim të situatës ku është implikuar kreu i qeverisë shqiptare.

“Ne kemi përballë një njeri i cili siç dëshmuan për çdo shqiptar, zhvillimet e fundit, nuk njeh asnjë kufi, asnjë mora, asnjë normë, në përpjekjet e tij për të shkatërruar opozitën shqiptare. Aktet e tij janë ndër aktet më kriminale. Ai që në vitin 2017, Edi Rama pasi futi në xhep mandatin e dytë, u tha shqiptarëve se tani do u tregoj unë se si do të qeveris, do të qeveris pa opozitë.

Një opozitë e cila kishte humbur zgjedhjet, nuk mjaftonte kjo. Ajo nuk mund të tolerohej, ajo duhej të zhdukej dhe për këtë qëllim duhet të angazhonte organizatën më të fuqishme të planetit FBI-në. Duhet të korruptonte një nga 2-3 njerëzit më të rëndësishëm të kësaj organizate për të manipuluar, hetuar, apo tjetër, këto do ti thotë drejtësia, por qëllimi i vetëm për të marrë peng kryetarin e opozitës. Për të shndërruar opozitën në një kallp opozitë”, deklaroi Berisha.

Ky i fundit theksoi se Rama pasi “futi në xhep” ish-kryedemokratin Lulzim Basha, përdori Sorosin për të shpallur ‘non grata’ Sali Berishën.

“E vërteta është se McGonigal doli në pension, por operacioni apo farat e mbjella me atë operacion vazhduan gjer nga mesi i vitit 2021. Lulzim Basha i paditur për larje parash ra tërësisht në mëshirën e Edi Ramës dhe ai në kundërshtim me çdo ligj i mbylli dosjen, nuk e çoi në Gjykatën e Lartë.

Pasi i kishte ndërsyer lobistit të PD-së, njeriun ndër më të fuqishmit të FBI-së, ai tregonte mëshirë duke marrë peng me dosje kryetarin e opozitës.

Ky demon pushteti që urren kundërshtarin njëlloj si i ati i tij xhelat, si daja i tij xhelat, bëri gjithçka që pasi futi në xhep Lulzim Bashën, përdori Sorosin, FBI e të tjerë për të shpallur ‘non grata’ Sali Berishën.

Vetë Departamenti i Shtetit me zëdhënësin e tij thotë, se bazë për këtë vendim kanë qenë edhe aktet dhe raportet të kontrollit antikorrupsion të qeverisë shqiptare. Raporte që nuk ka njeri në Shqipëri ti ketë lexuar, përveç atyre duarve të zeza që i kanë shpifur dhe dërguar. Raporte që nuk janë publikuar, nuk kanë parë dritën. Pra njëlloj si paratë e fshehta që ju dorëzuan McGonigal për veprën e tij të zezë edhe këto raporte”, shtoi Berisha.

 

Të fundit