Flash News

Sherr brenda kafazit të xhamit, të pandehurit dhunojnë njëri-tjetrin në GJKKO

Vala e të nxehtit vjen në Shqipëri, temperaturat deri në 40 gradë

Panik në pushtet? Rama sulmon protestuesit që kërkojnë largimin e tij: Budallenj, mendje të cekëta

Këmbimi valutor 15 qershor/ Me sa blihen e shiten dollari dhe euro

“Rama ik”, shqiptarët e Gjermanisë protestë në Berlin kundër qeverisë

Ditari i Opozitës

Berisha: Qeveria po fsheh raportin e Parlamentit Europian, kritika të forta për zgjedhjet dhe integrimin

Politiko 13 Maj 2026, 14:16

Berisha: Qeveria po fsheh raportin e Parlamentit Europian, kritika të forta

Kryedemokrati Sali Berisha ka deklaruar se qeveria shqiptare po mban të fshehur raportin e fundit të Parlamentit Europian, të cilin ai e cilëson si një nga dokumentet më kritike ndaj Shqipërisë në procesin e integrimit.

Sipas Berishës, raporti ngre shqetësime serioze për mënyrën e zhvillimit të zgjedhjeve, duke i konsideruar ato të ndikuara nga praktika të një “parti-shteti” dhe duke përmendur, sipas tij, edhe blerjen e votës.

“Ky është raporti më kritik i miratuar ndonjëherë në historinë e procesit të integrimit. Ai kërkon që parlamenti të ketë rol qendror në këtë proces dhe thekson nevojën për zbatimin e vendimeve të Gjykatës Kushtetuese pa vonesa,” është shprehur Berisha.

Ai ka akuzuar gjithashtu kryetarin e Kuvendit, Niko Peleshi, se nuk po tregon interes për procesin e integrimit, ndërsa ka kritikuar qeverinë për mungesë transparence.

“Qeveria po përpiqet ta fshehë raportin nga publiku përmes mediave të kontrolluara,” tha ai.

Berisha ka ngritur gjithashtu shqetësime për investimet strategjike dhe PPP-të, duke pretenduar se janë miratuar kontrata në kundërshtim me ligjin.

PJESE NGA DEKLARATA

Por të lëmë mënjanë këtë, se këta mbajnë errësirë, këta nuk bëjnë transparencë, dhe këto ne i mësojmë nga mediat dhe nga copëza të shkurtra që rrjedhin nga miqtë tanë.
Po marrin tjetrën ne.
Marrim raportin e Parlamentit Evropian. Raportin e Komisionit të Jashtëm.
Raporti absolutisht më kritik i miratuar ndonjëherë në historinë e procesit të integrimit.
Raporti që i thotë qeverisë, ti nuk bëre zgjedhje të drejta, bëre zgjedhje si parti shtet, bleve vota, etj.
Raporti që kërkon që parlamenti të ketë një rol qendror në procesin e integrimit.
E shihni ju atë Peleshin që qëndron në krye të parlamentit? Nuk ka interes integrimin ai, është si Edi Rama. Këta kanë interesa të pasurive që kanë vjedhur, se po të kishte interes integrimin, Oltës do i thoshte, nuk ke vend këtu më, shko, ka dy vendime Gjykata Kushtetuese. Ti je një hajdute, bashkë me bashkëshortin tënd, e faktuar me gjykatë, e vendosur nga Gjykata Kushtetuese.
Ti nuk ke vend.
Por Olta është pjesë e familjes Rama. Nuk ndodh kot kjo.
Dhe aty shkruhet e zezë mbi të bardhë, të zbatohen vendimet e Gjykatës Kushtetuese pa vonesë.
Keni dëgjuar ju ndonjë preokupim për këto?
I vetmi preokupim si ta fshehim raportin me mediat e kontrolluara.
Të mos u themi shqiptarëve një fjalë se çfarë thotë ky raport.
Raporti thotë që duhet të hiqet imuniteti pa asnjë ndikim në sistemin e drejtësisë, pa pengesë.
Flitet ndonjë fjalë?
Hajde se për IBAR-in nuk e bëjnë publik dhe mediat e kontrolluara nga qeveria nuk mund të bëjnë debate.
Po për raportin që është publik?
Nuk ka asgjë më shumë IBAR-i, raporti ka çdo gjë.
Ka një ngjashmëri midis të dyjave. Raporti është nisur si një raport dyfaqësh dhe ka përfunduar si një raport me 300 e ca amendime, një raport 20-30 faqesh.
Edhe ai i IBAR, prandaj thotë ky e ka Komisioni atë debat, jo mor jo, është debat midis Shqipërisë dhe Këshillit të Ministrave të BE.
Pra, këtu asnjë fjalë.
Keni parë që raporti ndalet në mënyrë të përsëritur tek investimet strategjike, tek vjedhjet me investime strategjike dhe kërkon listën, publikimin e listës.
Një gjë u them, pas ndërhyrjes së BE në vitin 2024 është kaluar ligj për PPP-të.
10 PPP janë firmosur nga Edi Rama në kundërshtim flagrant me ligjin, pa e përfillur fare ligjin e miratuar në qeveri.

Të fundit