Flash News

Sherr brenda kafazit të xhamit, të pandehurit dhunojnë njëri-tjetrin në GJKKO

Vala e të nxehtit vjen në Shqipëri, temperaturat deri në 40 gradë

Panik në pushtet? Rama sulmon protestuesit që kërkojnë largimin e tij: Budallenj, mendje të cekëta

Këmbimi valutor 15 qershor/ Me sa blihen e shiten dollari dhe euro

“Rama ik”, shqiptarët e Gjermanisë protestë në Berlin kundër qeverisë

Ditari i Opozitës

Berisha: Raporti i IBAR kërkon konkurrencë të ndershme dhe transparencë në tendera

Politiko 22 Maj 2026, 14:32

Berisha: Raporti i IBAR kërkon konkurrencë të ndershme dhe

Kreu i Partisë Demokratike, Sali Berisha, deklaroi se raporti i IBAR i 21 majit për Shqipërinë përmban kritika të forta edhe për ekonominë dhe klimën e biznesit në vend.

Në një deklaratë për mediat, Berisha tha se raporti kërkon krijimin e një mjedisi biznesi të qëndrueshëm, me konkurrencë të ndershme, transparencë në tendera dhe më shumë llogaridhënie në ndërmarrjet shtetërore.

Sipas tij, dokumenti i Bashkimit Europian evidenton problematika serioze në prokurimet publike dhe në funksionimin e tregut, duke akuzuar qeverinë e Edi Rama për favorizime dhe mungesë gare të ndershme në tendera.

Berisha pretendoi se kompani nga vendet e Bashkimit Europian janë përjashtuar nga tenderat e rëndësishëm në Shqipëri, ndërsa shtoi se raporti kërkon gjithashtu reduktimin e informalitetit dhe krijimin e një kuadri fiskal të parashikueshëm.

Ai akuzoi qeverinë për shtim të prokurimeve sekrete dhe për mungesë transparence në administrimin e ndërmarrjeve shtetërore.

Në fund të deklaratës, Berisha e cilësoi si “krim shtetëror” censurimin e raportit nga qeveria dhe mediat pranë saj, ndërsa falënderoi vendet anëtare të Bashkimit Europian për kontributin në hartimin e dokumentit.

Sipas kreut të PD-së, raporti paraqet “me realizëm” situatën në Shqipëri dhe problematikat që lidhen me procesin e integrimit europian.

Të fundit