Flash News

Sherr brenda kafazit të xhamit, të pandehurit dhunojnë njëri-tjetrin në GJKKO

Vala e të nxehtit vjen në Shqipëri, temperaturat deri në 40 gradë

Panik në pushtet? Rama sulmon protestuesit që kërkojnë largimin e tij: Budallenj, mendje të cekëta

Këmbimi valutor 15 qershor/ Me sa blihen e shiten dollari dhe euro

“Rama ik”, shqiptarët e Gjermanisë protestë në Berlin kundër qeverisë

Ditari i Opozitës

Berisha: Raporti i IBAR ngre shqetësime për vetingun, Rama po cenon autonominë vendore

Politiko 22 Maj 2026, 13:05

Berisha: Raporti i IBAR ngre shqetësime për vetingun, Rama po cenon

Kreu i Partisë Demokratike, Sali Berisha, deklaroi se raporti i IBAR i 21 majit ka forcuar kritikat ndaj qeverisë shqiptare në disa fusha kyçe, duke përfshirë procesin legjislativ, autonominë vendore, reformën në drejtësi dhe standardet e vetingut.

Në një deklaratë për mediat, Berisha tha se raporti i majit kërkon më shumë kohë dhe konsultime substanciale për përafrimin e legjislacionit me acquis të Bashkimit Europian, duke kritikuar miratimin e ligjeve me procedura të përshpejtuara në Kuvend.

Sipas tij, raporti ngre për herë të parë shqetësime edhe për reformën territoriale dhe autonominë vendore, duke akuzuar kryeministrin Edi Rama për “hipercentralizim” dhe marrje të kompetencave të pushtetit vendor në kundërshtim me Kushtetutën.

Berisha u ndal edhe te çështjet e drejtësisë dhe SPAK, duke pretenduar se raporti i majit ka ashpërsuar gjuhën ndaj ndërhyrjeve politike në sistemin e drejtësisë dhe ndaj presioneve mbi SPAK-un.

Ai tha se dokumenti i ri i BE-së përmend në mënyrë eksplicite shqetësimet për “përpjekjet e shtuara dhe shqetësuese” të zyrtarëve të niveleve të larta për të ushtruar ndikim mbi drejtësinë.

Në fokus të deklaratës së tij ishte edhe procesi i vetingut. Berisha pretendoi se raporti i majit kërkon ruajtjen e standardeve të qëndrueshme në veting, pasi sipas tij janë evidentuar probleme serioze gjatë procesit.

PJESE NGA FJALA

Koha e konsultimit të procesit legjislativ.
Raporti i shkurtit kërkon konsolidimin e rolit të parlamentit.
Ju e keni parasysh se si këta në një ditë të caktuar miratuan brenda një çerek ore 21 ligje, në turpin më të madh të tyre.
Çfarë thotë raporti i 21 majit?
Përafrimi me acquis kërkon një proces të plotë me kohë të mjaftueshme për konsultime substanciale.
Pra, Niko Peleshi del kryetari më qesharak i parlamentit në Evropë.
Kryetari kukull i një parlamenti në Evropë, që votonte ligjet e kërkuara nga BE pa debat, pa kontroll, pa asgjë.
Rekomandimi pra është forcuar shumë.
Në rrafshin politik, kemi një kritikë të qartë ndaj miratimit të nxituar të ligjeve pa konsultim paraprak.
A e dini ju që këta nuk nxjerrin mend, këta përsëri sollën para tre ditësh amendamente për rregullore ku kërkonin që ligjet për në BE, të miratohen me procedurë të përshpejtuar. Sigurisht që ne e hodhëm poshtë atë dhe nuk pranuam.
Komisioni për reformën territoriale. Asnjë fjalë në raportin e shkurtit. A, tani nuk ka më.
Ka një vend të veçantë në raportin e majit. Është shtuar, çka dëshmon angazhimin dhe interesin e BE, ndërgjegjësimin e këtij institucioni për rëndësinë e reformës territoriale.
A nuk është pra ky një ndryshim si nata me ditën?
Autonomia vendore. Edhe këtu është një fushë ku Edi Rama goditet në mënyrën më të rëndë për fatkeqësinë e tij.
Raporti i shkurtit nuk e përmend fare.
Çfarë thotë raporti i majit? Çfarë paralajmërimi të fortë jep? Të ruhet ndarja e përgjegjësive ndërmjet niveleve qendrore dhe vendore të qeverisjes, përfshi autonominë e qeverisjes vendore.
Këtu, i shtuar, nuk ka ekzistuar.
Këtu BE denoncon dhunimin e Kushtetutës nga Edi Rama, që ka marrë çdo kompetencë të qeverisë vendore, përfshi dhe lejet për ndërtesa dykatëshe apo trekatëshe kudo që ndërtohen, vetëm e vetëm që të marrë gjobën se është i çmendur pas gjobave mbi sipërfaqet e ndërtimit.
Fakti që e shtuan këtë tregon se janë të informuar për hipercentralizimin që bën Edi Rama dhe dhunimin e Kushtetutës.
Me Kushtetutë ka autonomi qeverisja vendore.
Strategjia e drejtësisë 2024-2030.
Raporti i shkurtit nuk e përmend fare.
Raporti i majit kërkon të konsolidohet zbatimi i reformave nëpërmjet strategjisë së rishikuar të drejtësisë. Është shtuar pra.
Dhe në këtë mënyrë dokumenti specifik bëhet referencë kushtëzimi për monitorimin.
Ja pra çfarë i fshehin mediat e qeverisë shqiptarëve.
Tani jemi sërish tek drejtësia. SPAK dhe sulmet politike të nivelit të lartë.
Raporti i shkurtit nxit Shqipërinë të adresojë efektivisht përpjekjet e zyrtarëve apo politikanëve për ushtrim ndikimi të padrejtë.
Pra, edhe në shkurt është paraqitur nga Komisioni në COELA.
COELA është grupi i punës i ngritur nga përfaqësues diplomatë dhe ekspertë të 27 vendeve anëtare dhe që varet nga Këshilli i Ministrave të BE, jo nga Komisioni Evropian.
Kurse në maj, pasi Edi Rama ka rrethuar gjykatën dhe SPAK-un me banditë zyrtarë, pasi ka sulmuar në mënyrën më të egër SPAK dhe gjykatat për Lubi Ballukun dhe të tjerë, shton: BE shpreh keqardhje dhe nxit adresimin e përpjekjeve të shtuara dhe shqetësuese të zyrtarëve apo politikanëve, përfshirë nivele të larta, duke përfshirë SPAK. Pra është forcuar shumë më tepër.
Katër përshkallëzime. Keqardhje, nuk ishte.
Të shtuara dhe shqetësuese, nuk ishte.
Nivele të larta, nuk ishte.
SPAK përmendet në mënyrë eksplicite.
Pra kemi të bëjmë me gjuhën më të ashpër të dokumentit dhe këtë e fsheh media.
Standardet e vetingut, qëndrueshmëria. Thekson hapat drejt vetingut në shkurt. Në maj shtohet: Thekson nevojën për Shqipërinë të ruajë dhe të mbajë standarde të qëndrueshme.
Sepse është konstatuar që po i shkelmojnë, nuk po i respektojnë dhe po dalin shumë gjëra të zeza mbi ujë.
Qëndrueshmëria e rezultate të vetingut bëhet kërkesë eksplicite si përgjigje ndaj shqetësimeve për vetingun.
Imagjinoni ju si mund të bëjë veting Altin Troplini? A e patë ju? A e patë se si kishte mashtruar ai?
Kishte paraqitur në veting deklaratën e firmosur nga noteri, të prindërve të bashkëshortes së tij, se vila trekatëshe ku banon Altin Troplini është ndërtuar në një kohë kur ai nuk ishte fejuar me Alketën, vajzën e tyre, në një kohë kur dokumentet e shtetit faktonin se në atë periudhë që pretendonte familja e Altin Troplinit, ajo ka qenë tokë arë pa asnjë tullë.
Dhe ky tani bëhet kryevetor.

ZYRA E MEDIAS DHE KOMUNIKIMIT, PARTIA DEMOKRATIKE

Të fundit